ილიას ზუროსი: ჯადოქარი უნდა იყო, რომ ეს შეძლო!

საქართველოს კალათბურთელთა ნაკრებს 30 ნოემბერსა და 3 დეკემბერს ესტონეთთან და ისრაელთან ელით მატჩები.

გუნდი უკვე შეიკრიბა. მთავარმა მწვრთნელმა ილიას ზუროსმა პრესკონფერენცია გამართა.

"ჩვენთვის მეტად საპასუხისმგებლო მატჩებია, ვეცდებით მაქსიმუმი გავაკეთოთ, თუმცა იოლი სულაც არ იქნება. ჩვენ ხომ არ გვაქვს დრო სრულყოფილად მოსამზადებლად.

გუნდი სრული შემადგენლობით ესტონეთთან მატჩამდე ორი დღით ადრე იკრიბება, ამას დავუმატოთ მგზავრობა და თავადაც ხვდებით, რამდენად რთულია მწვრთნელისთვის სხვადასხვა კლუბებიდან ჩამოსული კალათბურთელების შეთამაშება.

ჯადოქარი უნდა იყო, რომ სასურველი შედეგი ორ დღეში მიიღო. თუმცა ისიც გვესმის, რომ სხვა გუნდებიც იგივე სიტუაციაში არიან.

რადგან საქართველოს ნაკრების ჯგუფიდან გასვლის შანსი მიზერულია, თავს ექსპერიმენტების უფლებასაც მივცემთ. გამოცხდით ახალგაზრდებს და სხვადასხვა პოზიციებზე მოვსინჯავთ კალათბურთელებს.

ისრაელი ევროლიგის კალათბურთელებით ჩამოდის, იმაზე ძლიერი გუნდი იქნება, რაც ისრაელში დაგვხვდა, თუმცა ჩვენ ხომ ევროპაში ერთ-ერთი გამორჩეული გულშემატკივრობა გვყავს. ეს საბერძნეთთან მატჩზეც გამოჩნდა. იმედი მაქვს, სპორტის სასახლე კიდევ ერთეხლ ბოლომდე გაივსება და არც საქართველოს ნაკრები გაგიცრუებთ იმედებს.

ვინ ითამაშებს ესტონეთთან და ისრაელთან? შემადგენლობაში თორნიკე შენგელიაცაა

ყოველდღიური სპორტული გაზეთი "ლელო"
1300
მკითხველის კომენტარები / 0 /
მსგავსი ამბები
რუბრიკის სხვა სიახლეები
;