ინდეოთის ლიგის ქართველი ტრიუმფატორები

ინდოეთის საკლუბო ლიგის გამარჯვებული "პენჯაბ როიალსი" გახდა, რომლის ღირსებასაც მსოფლიოს მოქმედი ჩემპიონები გენო პეტრიაშვილი (125 კგ) და ზურაბ იაკობიშვილი (65 კგ) იცავდნენ.

"პენჯაბმა" ფინალურ დაპირისპირებაში "ჰარიანა ჰამერსს" 6:3 სძლია.

ფინალში კიდევ ერთი ჩვენი სახელოვანი ფალავანი მსოფლიოს და ოლიმპიური ჩემპიონი ლადო ხინჩეგაშვილი ასპარეზობდა. იგი "ჰარიანა ჰამერსის" ღირსებას იცავდა, რომელიც საბოლოოდ მეორე ადგილზე გავიდა.

აღსანიშნავია, რომ ლადო შარშან "პენჯაბში" გამოდიოდა და ამ გუნდთან ერთად ინდოეთის საკლუბო ლიგის ჩემპიონიც გახდა (გასულ წელს გენო პეტრიაშვილს ინდოეთის ლიგაზე არ უასპარზია).

ამჯერად, ფინალში როგორც გამარჯვებული გუნდის წევრებმა პეტრიაშვილმა და იაკობიშვილმა, ისე მეორე ადგილზე დარჩენილი გუნდის ლიდერმა ხინჩეგაშვილმა თავისი პირადი შეხვედრები წარმატებით დაასრულეს.

გენო პეტრიაშვილმა გაანადგურა სუმით მალიკი - 16:0.
ზურაბ იაკობიშვილმა სძლია კარან მორის - 4:0.
ლადო ხინჩეგაშვილმა კი ჰევენ კუმარი დაამარცხა - 4:0.

3049
მკითხველის კომენტარები / 0 /
მსგავსი ამბები
რუბრიკის სხვა სიახლეები
;