"ინდიანას" პრეზიდენტი: ბითაძის გადაყვანის სურვილით ბევრი გუნდიდან დამირეკეს

19 წლის ქართველი ცენტრი გოგა ბითაძე 20 ივნისის NBA-ს დრაფტზე მე-18 ნომრად "ინდიანა პეისერსმა" აირჩია. ქართველი ინდიანაპოლისში დიდი პატივით მიიღეს. პრესკონფერენციაც მოაწყვეს და მასზე ვრცლად ილაპარაკა როგორც კლუბის პრეზიდენტმა კევინ პიტჩარდმა, ასევე მთავარმა მწვრთნელმა ნეით მაკმილანმა.

\"ინდიანას\" გენერალური მენეჯერი: გვეგონა, ბითაძეს ათეულში აირჩევდნენ

პრეზიდენტმა ისიც თქვა, რომ ბითაძის აყვანის შემდეგ NBA-ს არაერთი კლუბიდან დაუკავშირდნენ და სარფიანი წინადადებებიც შესთავაზეს.

- იმდენი ზარი, რაც დრაფტის მომდევნო დღეს მივიღე, ჩემს ტელეფონზე აქამდე არ შემოსულა. მირეკავდნენ ბითაძის გადაყვანის მსურველი კლუბები. სამი მათგანი, აგრესიულად მონდომებული იყო, მაგრამ ჩვენ ყველა უარით გავისტუმრეთ. ბითაძე იმიტომ არ აგვირჩევია, რომ ვინმეს დავუთმოთ. მას ჩვენი გუნდის მომავალს ვუკავშირებთ, - ასეთი კატეგორიულია კევინ პიტჩარდი.

მშვენიერი მიდგომაა, ჩანს, რომ "ინდიანას" მართლაც ძალიან სურს ბითაძე, თუმცა სიტყვა საქმედ შემოდგომიდან უნდა იქცეს. გოგას პირველივე სეზონში სათამაშო დრო სჭირდება. NBA-ში კვირაში 3-4 თამაშია, ვარჯიშის დრო ნაკლებადაა და კალათბურთელი მხოლოდ იმ შემთხვევაში ვითარდება, თუ თამაშობს.

[ინტერვიუ] გოგა ბითაძე: ემოციას ვერ გამოვხატავ, მაგრამ ძალიან მიხარია, რომ ჩემი ოცნების ნაწილი ვიქნები

ყოველდღიური სპორტული გაზეთი "ლელო"
3582
მკითხველის კომენტარები / 0 /
მსგავსი ამბები
რუბრიკის სხვა სიახლეები
;