ინდოეთის ლიგას ხინჩეგაშვილი და პეტრიაშვილი ლიდერობენ [VIDEO]

ინდოეთის საკლუბო ლიგაში დასრულდა მორიგი ტურის შეხვედრა და დასრულდა შესარჩევი ეტაპიც, რომელშიც ლადო ხინჩეგაშვილის "არიანა ჰამერსი" აქამდე დაუმარცხებელ "დანგალეს" ხვდებოდა.

ქართველმა ფალავანმა თავისი პირადი პაექრობა არ დათმო. მან ინდოელი მოწინააღმდეგე ნითინ რათჰი დაამარცხა 6:2. ჩვენებური თავდაპირველად 1:0 უგებდა მეტოქეს, ნითინმა შეძლო 2 ქულის აღება და წინა გასვლა, მაგრამ ლადომ მალევე დააყენა ყველაფერი თავის ადგილზე და მეორე პერიოდის შუაწელამდე საქმეც მოუთავა ინდოელს 6:2.

სასიხარულოა, რომ ლადო ხინჩეგაშვილს ფეხი კარგად აუწყვეს თანაგუნდელებმაც და "ჰამერსმა" რთული გუნდური პაექრობა 4:3 დაასრულა თავის სასარგებლოდ.

სატურნირო ცხრილის აქამდელ ერთპიროვნულ ლიდერ "დანგალესთვის" ეს პირველი მარცხი გახლდათ. ახლა ცხრილის სათავეში პირველ სამეულს ლადო ხინჩეგაშვილის "არიანა ჰამერსი", გენო პეტრიაშვილის "პანჯაბი როიალსი" და "დანგალე" იყოფენ.

სამივე კლუბმა 5 შეხვედრაში 4 გამარჯვების მოპოვება შეძლო და თითოჯერ დამარცხდა. სამივე კლუბს 8 ქულა აქვს. ოთხეულში შევიდა და პლეი ოფის საგზური გაინაღდა "ვეერ მარათჰამ", რომელსაც 4 ქულა აქვს.

1785
მკითხველის კომენტარები / 0 /
მსგავსი ამბები
რუბრიკის სხვა სიახლეები
;