ირაკლი სიხარულიძე: "ჩეხეთში თამაში ვაისმა მირჩია"

ირაკლი სიხარულიძე ჩეხეთის ჩემპიონატის "სლოვაცკოში" წარადგინეს. დღეს საქართველოს ეროვნული ლიგის საუკეთესო ფეხბურთელი, ბომბარდირი და თავდამსხმელი ახალ გუნდთან ერთად თურქულ შეკრებაზე გაემგზავრება.

ქართველმა თავადმსხმელმა ორშაბათს სამედიცინო შემოწმება გაიარა, გუშინ კი "სლოვაცკოსთან" პირველად ივარჯიშა. სიხარულიძემ გადასვლაზე კომენტარი კლუბის ოფიციალურ ვებ-გვერდთან გააკეთა.

"სლოვაცკო" ჩემთვის ახალი გამოწვევაა და ჩემს კარიერაში კიდევ ერთი წინ გადადგმული ნაბიჯია. შემოდგომას საქართველოს ეროვნულ ნაკრებში გამომიძახეს და ბელარუსთან გოლის გატანაც მოვახერხე. უცხოეთიდან სხვა შემოთავაზებებიც მქონდა, მაგრამ არჩევანი "სლოვაცკოზე" შევაჩერე" – ამბობს სიხარულიძე.

მისი თქმით, ჩეხეთში გადასვლა საქართველოს ნაკრების სლოვაკმა მთავარმა მწვრთნელმა ურჩია: "ვლადიმირ ვაისი მელაპარაკა "სლოვაცკოსა" და ჩეხეთის ჩემპიონატზე ვლადიმერ ვაისი მელაპარაკა და მითხრა, რომ ეს ჩემთვსი ცალსახად წინგადადგმული ნაბიჯი იქნებოდა. ასევე ვესაუბრე დიმიტრი ტატანაშვილს, რომელიც ჩეხეთში, "პლზენსა" და "კლადნოში" თამაშობდა. ჩეხეთის ჩემპიონატი მანაც შეაქო და აქ გადმოსვლა მირჩია".

ირაკლი გასულ სეზონში 25 გოლი გაიტანა და საქართველოს ლიგის საუკეთესო ბომბარდირი გახდა. რამდენი გოლის გატანას ფიქრობს ჩეხეთში? ჟურნალისტის ამ კითხვას ქართველმა შემდეგი უპასუხა: "თავში რაიმე კონკრეტული ციფრი არ მიტრიალებს. მინდა, რომ გუნდთან ადაპტაცია რაც შეიძლება მალე გავიარო და "სლოვაცკოს" ადგილის შენარჩუნებაში დავეხმარო (16-გუნდიან ჩემპიონატში მე-14 ადგილზეა – რედ.). ქალაქი ჯერ არ დამითვალიერებია, მაგრამ სტადიონი და გარემო ძალიან ლამაზად გამოიყურება. გუნდთან ერთად პირველავ ვივარჯიშებ და ხვალ თურქეთში გავემგზავრებით. ჩემთვის პირველი უცხოური გამოწვევაა და სეზონის ადწყებას მოუთმენლად ველის".

1451
მკითხველის კომენტარები / 0 /
მსგავსი ამბები
რუბრიკის სხვა სიახლეები
;