ირაკლი ცხადაძე ახალი სეზონიდან 'ბრივში' ითამაშებს

ფრანგული ტოპ 14-ის კლუბ ბორდოს ქართველი მორაგვე ირაკლი ცხადაძე კარიერას მეორე დივიზიონის "ბრივში" გააგრძელებს.

22 წლის მძლავრი (192სმ, 105კგ) მესამეხაზელის გადაბირებას ფრანგული ელიტის უმაღლესი ლიგის კლუბებიც ცდილობდნენ, მაგრამ ცხდაძემ "პოს", "გრენობლისა" და "კლერმონის" წინადადებები უარყო და მათ "ბრივი" ამჯობინა, სადაც 6 ქართველი უკვე ირიცხება.

ცხადაძე 2016 წლის მსოფლიოს 20-წლამდელთა ჩემპიონატის მონაწილეა, ხოლო "ბრივში" მისი 3 იმდროინდელი თანაგუნდელი თამაშობს - ლუკა გოგინავა, ოთარ გიორგაძე და ვასილ ლობჟანიძე.

მათ გარდა ამ გუნდის ღირსებას ორი გამოცდლი ბორჯღალოსანი იცავს - კარლენ ასიეშვილი და სოსო ბეკოშვილი, ხოლო ესპუართა გუნდში 20-წლამდელთა წლევანდელი ჩემპიონატის მონაწილე ბურჯი ლუკა ჯაფარიძე ასპარეზობს. ცხადაძისა და "ბრივის" კონტრაქტი ძალაში 2019 წლის 1 ივლისს შევა და 2021 წლის ზაფხულამდე იმოქმედებს.

ყოველდღიური სპორტული გაზეთი "ლელო"
524
მკითხველის კომენტარები / 0 /
რუბრიკის სხვა სიახლეები