ირაკლი ხოშტარია: შანსი არის, უნდა დაველოდოთ

25 ოქტომბერს საქართველოს ჩემპიონი რუმინეთის ჩემპიონს ახალ სპორტის სასახლეში 19 საათზე დაუპირისპირდება. 

ოთხგუნდიანი ჯგუფიდან პლეი ოფში ორი გადის, ამიტომ ყოველ გამარჯვებას ოქროს ფასი აქვს, მითუმეტეს "დინამოსთვის", რომელმაც პირველი მატჩი ბულგარეთში დათმო. სოფიის "აკადემიკმა" ჩვენს გუნდს სამქულიანი სხვაობით, 73:70 აჯობა.

დინამოელებს მეორე მეტოქე კიდევ უფრო ძლიერი ჰყავთ. ყოველ შემთხვევაში, ასეთი დასკვნის უფლებას ჯგუფური ეტაპის პირველი მატჩი გვაძლევს - "კლუჟმა" ხომ რუმინეთში "ისტანბული" 90:69 დაამარცხა.

საქართველოს ჩემპიონები "კლუჟთან" მატჩს ტრავმებით ხვდებიან კითხვის ნიშნის ქვეშაა ნიკოლა გაჩეშას და მიხეილ ბერიშვილის თამაში. "დინამოს" მთავარი მწვრთნელის, ირაკლი ხოშტარიას თქმით, რუმინული გუნდი არა მხოლოდ ჯგუფის, არამედ მთლანად ფიბას თასის ერთ-ერთი ფავორიტია. თუმცა "დინამო" უშანსოდ მაინც არ არის:

"პირველი ტურის მატჩში "აკადემიკთან" რთული ბრძოლა იყო, მაგრამ არ ავღელდით, დაველოდეთ ჩვენს შანსს და ბოლო წუთებზე გვქონდა გამარჯვების შესაძლებლობა. "კლუჟი" ფავორიტია, მაგრამ ეს იმას არ ნიშნავს, რომ მას მოგება გარანტირებული აქვს, ჩვენს შანსს ამჯერედაც დაველოდებით და ვნახოთ, როგორ განვითარდება მოვლენები.

მეტოქეს კარგად ვიცნობთ, მისი მთავარი პლუსი პერიმეტრის მოთამაშეებია, მშვენივრად სტყორცნიან სამქულიანებს, თუმცა ფარქვეშაც ჰყავთ მაღალი დონის კალათბურთელები. დანარჩენს მატჩი გვიჩვენებს, მთავარი კი ის არის, რომ "დინამო" მოედანზე საბრძოლველად და მოსაგებად გავა."

760
მკითხველის კომენტარები / 0 /
მსგავსი ამბები
რუბრიკის სხვა სიახლეები