ისკო რონალდომ მოითხოვა, - რეალს 15 ფეხბურთელი დატოვებს?

Marca-ს ინფორმაციით, ზაფხულში მადრიდის “რეალის” შემადგენლობა სანახევროდ გადახალისდება.

როგორც ჟურნალისტებმა გაარკვიეს, მადრიდელთა ხელმძღვანელობა ახალი კლუბების პოვნას აპირებს 14 ფეხბურთელისთვის, რომლებიც არ ჯდებიან მომავალი სეზონისთვის მთავარი მწვრთნელის ზინედინ ზიდანის გეგმებში. 19 ფეხბურთელი ამჟამინდელი შემადგენლობიდან დარჩება “რეალში”.

იტყობინებიან, რომ “რეალს” დატოვებენ: კეილორ ნავასი, სერხიო რეგილონი, ხესუს ვალიეხო, ტეო ერნანდესი, დანი სებალიოსი, ხამეს როდრიგესი, მარტინ ედეგორი, ბრაიმ დიასი, ისკო, მარკოს ლორენტე, მატეო კოვაჩიჩი, ოსკარ როდრიგესი, გარეტ ბეილი, ბორხა მაიორალი და რაულ დე ტომასი.

ჩამოთვლილი ფეხბურთელებიდან რამდენიმე 2018-19 წლების სეზონს იჯარით სხვა კლუბებში ატარებს. ესპანეთის ჩემპიონატის დასრულებამდე ერთი ტურით ადრე, “რეალმა” გაინაღდა მესამე ადგილი.

ამასობაში, ნახევარმცველი ისკო ზაფხულის სატრანსფერო ფანჯრისას, შესაძლოა, “იუვენტუსში” გადავიდეს სათამაშოდ, - ამის შესახებ წერს ესპანური გამოცემა Don Balon. როგორც აღნიშნავენ, ტურინული კლუბის ფორვარდმა კრიშტიანო რონალდომ სთხოვა “იუვეს” ხელმძღვანელობას ესპანელი ფეხბურთელის შეძენა.

“იუვენტუსი” მზად არის გადაიხადოს ისკოში 60 მილიონი ევრო, თუმცა, “რეალს” არანაკლებ 80 მილიონის მიღება სურს.

ამ სეზონში ისკომ 36 ოფიციალურ მატჩში მიიღო მონაწილეობა, ექვსი გოლი გაიტანა და ერთი შედეგიანი პასი შეასრულა. მისი კონტრაქტი 2022 წლის ზაფხულამდეა ძალაში. 

ყოველდღიური სპორტული გაზეთი "ლელო"
928
მკითხველის კომენტარები / 0 /
მსგავსი ამბები
რუბრიკის სხვა სიახლეები
;