ისლანდიელმა და ჩეხმა თუშიშვილსა და ღვინიაშვილს გდება გაუბედეს და კაი ჩიტიც დაიჭირეს!

ბექა ღვინიაშვილმა (90) მეორე შეხვედრაც იპონით მოიგო, თუმცა ამჯერად - ბევრად მძიმე ბრძოლაში და ვაზარის გაქვითვაც კი მოუხდა.

ჩეხი იური პეტრი მასთან განწირული რომ გვეგონა, არც მთლად ეგრე იოლად აღმოჩნდა საქმე: შეხვედრის მიწურულს გარედან გამოკვრით ვაზარი მიითვალა. ღვინიაშვილისთვის, როგორც წესი, ჩამორჩენა "წითელი ნაჭერია" და ჩეხიც მალევე გადააგდო ბრუნით ვაზარიზე. შეხვედრა განახლდა თუ არა, პეტრი ზედ მიახტა ღვინიაშვილს, რომელმაც მყარად ჩაიგდო ხელთ და მორიგი ბრუნით პირადპირ დააწყვიტა ტატამს.

ახლა ღვინიაშვილს ლამის საფინალო პაექრობა უწევს რუს მიხაილ იგოლნიკოვთან.

ლამის ამ შეხვედრის პარალელურად მძიმე წონაში თავისი პირველი შეხევდრა მოიგო ევროპის მოქმედმა ჩემპიონმა გურამ თუშიშვილმა. თუმცა თავიდან ისიც ჩამორჩა ისლანდიელ ტორმოდურ იონსონთან: ჩვენებურის დაწყებულ ილეთზე ჩატრიალება მოახერხა, მაგრამ თუშიშვილმა თავისი საფირმო ჩახტომითი კისრულით რამდენიმე წამში ანანა ეს საქციელი: იპონი და მეოთხედფინალის საგზური, სადაც უკრაინელი ალექსანდრ გორდიენკო ხვდება.

2057
მკითხველის კომენტარები / 0 /
მსგავსი ამბები
რუბრიკის სხვა სიახლეები