კალათბურთი. ისრაელი 85:80 დავამარცხეთ [VIDEO]

პირველ მეოთხედში საქართველოს ნაკრებმა ისრაელს საინტერესო კალათბურთი შესთავაზა - აქცენტი პერიმეტრიდან ტყორცნებზე გააკეთა და... პირველი ტაიმი 12 ქულის სხვაობით მოიგო - 49:37.

საქართველოს ნაკრებს გაცილებით მაღალი შემადგენლობა ჰყავს, შესაძლოა, ებრაელები ელოდნენ კიდეც, რომ სტუმრები ფარქვეშიდან შეუტევდნენ აქტიურად, თუმცა პირველ ტაიმში წარმატებს მთავარი განმაპირობებელი სამქულიანები იყო. საქართველოს ნაკრებს 20 წუთში 11 სამქულიანი ჰქონდა ჩაგდებული. საამისოდ მხოლოდ 19 მცდელობა დასჭირდა.

მესამე პერიოდში სიტუაცია შეიცვალა: ებრაელებმა გაცილებით აგრესიული დაცვა შემოგვთავაზა, რაზეც გაბრაზებულმა ქართველთა მწვრთნელმა ილიას ზუროსმა თავის შეგირდებს წუთშესვენებებზე მკაფიოდ მიუთითა. თუმცა მესამეში ვერც დაცვაში, ვერც ეტევაში თამაში ვერ გამოვასწორეთ და მეტოქეს გადასწრების უფლება მივეცით. მეოთხე რაუნდის წინ ისრაელი 3 ქულით დაწინაურდა - 68:65.

დასკვნით პერიოდში მოედანზე სასტარტოები დაბრუნდნენ, მწვრთნელმა ილიას ზუროსმა მხოლოდ გოგა ბითაძე არ შეცვალა და იგი მოედანზე დატოვა. ახალგაზრდამ მწვრთნელს გაუმართლა, დაცვაშიც კარგად ითამაშა, და გადამწყვეტ მომენტში ძალიან მნიშვნელოვანი მოხსნა-დამატება მიითვალა.

თამაში კი თორნიკე შენგელიას დამაჯერებელმა გარჯამ მოგვაგებინა. ტაქტიკა ასეთი იყო - ბურთი თოკოს უნდა მიეღო, ხოლო დანარჩენი ქართველები მეორე მხარეს გადასულიყვნენ. მიუხედავად იმისა, რომ შენგელიასთან სამი ებრაელი რჩებოდა, იგი მაინც სასარგებლო იყო, ხან აგდებდა, ხან მეტოქეს აჯარიმებდა, ხანაც პასებს აგროვებდა.

გადამწყვეტ მომენტში კი მსაჯებმა სწორად შენიშნეს მეტოქეის ფოლები, რომელთაგან ყველა სასროლი იყო (ოთხი ჯარიმა ნაადრევად მიიღეს). ქართველებს თავისუფალ ტყორცნებში ყველაფერი გამოუვიდათ და...

საფინალო სირენამდე 18 წამით ადრე, როცა 83:80-ს ვიგებდით, მეტოქემ გადამწყვეტი იერიში წამოიწყო. მთავარი იყო, სამქულიანი არ ჩაგვეგდებინებინა, თუმცა რა სამიანი, რის სამიანი - გიორგი ცინცაძემ მოედნის ცენტრშივე წაართვა ბურთი ებრაელთა ლიდერ ბლატს, შენგელიას გადააწოდა და მანად საფინალო ანგარიში დააფიქსირა - 85:80.

საბოლოოდ თორნიკე შენგელიამ 22 ქულა ჩააგდო, დუდა სანაძემ - 17, მეტ ჯენინგმა - 15, გოგა ბითაძემ - 13, გიორგი შერმადინმა - 9. გიორგი ცინცაძეს 7 პასი მოუგროვდა.

ებრაელთაგან ზოოსმანმა და კოენმა 14-14 ქულა მიითვალეს, სეგევმა - 13, ბლატმა - 12 ქულა და 10 პასი.

 

 

1278
მკითხველის კომენტარები / 0 /
მსგავსი ამბები
რუბრიკის სხვა სიახლეები