ისტანბული-დინამო 72:52 - აუღებელი სტამბოლი

ფიბა-ევროპის თასის მესამე ტურში "დინამომ" გასვლითი შეხვედრა გამართა თურქეთში. საქართველოს ჩემპიონმა "ისტანბულთან" 52:72 დათმო.

ამ მარცხით დინამოელებმა ჯგუფიდან გასვლის საკითხი უარყოფითად გადაწყვიტეს, თუმცა ისიც სათქმელია, რომ ჯგუფში წინასწარ ორი ფავორიტი იყო - "ისტანბული" და "კლუჟი". მომდევნო ეტაპზე კი მხოლოდ ორი გადის. გუშინვე "კლუჟმა" სოფიაში "აკადემიკს" 88:73 მოუგო და მომდევნო ეტაპზე გასვლაც გაინაღდა.

წინასამატჩო მიმოხილვაშიც მოგახსენეთ, რომ "ისტანბული" სერბეთის, სლოვენიისა და თურქეთის ნაკრების კალათბურთელებითაა გაძლიერებული. თუმცა მთავარი დამრტყმელი ძალა მაინც ამერიკული დუეტია: ბაქნერმა 15 ქულა ჩააგდო, ტომპსონმა - 21.

"დინამოს" ლეგიონერთაგან კი 10 ქულას ვერც ერთმა ვერ უწია. ერთადერთი, ვინც 10-ქულიანი ბარიერი გადალახა, ლევან ფაცაცია იყო.

თუ შეხვედრის სტატისტიკას გადავავლებთ თვალს, აღმოვაჩენთ, რომ მეტოქემ ვერც პასებში გვაჯობა, ვერც ჩაჭრებში, ვერც ჩვენზე მეტი სამქულიანი ჩააგდო, შეცდომაც მეტი დაუშვა (20 16-ის წინააღმდეგ), მაგრამ ფარქვეშ კი მოიპოვა უპირატესობა და ეს იყო ერთ-ერთი მიზეზი "ისტანბულის" დიდი სხვაობით გამარჯვებისა.

მეოთხე ტურის შეხვედრას ქართული გუნდი 8 ნოემბერს, თბილისში ბულგარულ "აკადემიკთან" გამართავს.

ისტანბული
72
დინამო
52

15:13, 22:9, 17:17, 18:13

ისტანბული: აკდამარი (4ქ), კარამანი (5ქ), აიჩა, დემირელი (3ქ), ჩევიკი (4ქ), ბირჩევიჩი (6ქ, 8მ), კარლი, ტომპსონი (21ქ, 8პ), ბაქნერი (15ქ, 5მ), ბუვა (10ქ, 7მ), დიკლისი, დოკუიანი (4ქ, 5მ, 4პ).

დინამო: შარაბიძე (2ქ), ცრნიჩი (2ქ), ბოიდი (3ქ), გრძელიძე, ტურპინი (9ქ, 6მ), ფაცაცია (12ქ, 3პ), გაჩეშა (9ქ, 7მ), ბერიშვილი (8ქ, 8მ), გოგოძე (7ქ, 4პ).

ყოველდღიური სპორტული გაზეთი "ლელო"
1210
მკითხველის კომენტარები / 0 /
მსგავსი ამბები
რუბრიკის სხვა სიახლეები
;