ისტორიული აღიარება: თორნიკე შენგელია ევროლიგის სეზონის სიმბოლურ ნაკრებში! [VIDEO]

ევროლიგის ოფიციალურმა საიტმა გამოკითხვის შედეგად დაასახელა სეზონის სიმბოლური ხუთეული. მასში მოხვდა საქართველოს ნაკრებისა და "ბასკონიას" ფორვადრი თორნიკე შენგელია. ეს ქართული კალათბურთისთვის ისტორიული მოვლენაა. აქამდე გვყავდა ევროლიგის ამა თუ ი ტურის საუკეთესო ქართველი კალათბურთელები, მაგრამ პირველი შემთხვევაა, როცა ჩვენიანი სეზონის პირველ ხუთეულში ხვდება!

სრულად სეზონის სიმბოლური ნაკრები ასე გამოიყურება:
ნიკ კალატესი ("პანათინაიკოსი")
ნანდო დე კოლო (ცსკა)
ლუკა დონჩიჩი ("რეალი")
თორნიკე შენგელია ("ბასკონია")
იან ვესელი ("ფენერბაჰჩე")

თორნიკე შენგელიასთვის ეს პირველი ამგვარი აღიარებაა. მან რეგულარულ სეზონში 30 მატჩი ჩაატარა და საშუალო 25.34 წუთში 13.9 ქულა, 6.2 მოხსნა, 2.1 პასი, 0.8 ჩაჭრა და 0.6 დაფარება დააგროვა. პლეი ოფში "ფენერბაჰჩესთან" ჩატარებულ ოთხ მატჩში მისი სტატისტიკა იყო: 12.3 ქულა, 5.3 მოხსნა და 2.8 პასი.

რეგულარულში 13.7 ქულა საუკეთესო შედეგია მძიმე ფორვარდებსა და ცენტრებს შორის. შენგელიას სარგებლიანობის საშუალო კოეფიციენტი - 18.2 ქულა მეხუთე იყო ლიგაში. ქართველი ფორვარდი ორჯერ დასახელდა ტურის მოთამაშედ, ერთხელ კი (მარტში) თვის MVP გახდა.

4464
მკითხველის კომენტარები / 1 /
natali
0
#NBAVOTE თორნიკე შენგელია
მსგავსი ამბები
რუბრიკის სხვა სიახლეები
;