იტალიელი ქართულ ფეხბურთზე: ისინი კრიზისიდან გამოსვლას ცდილობენ და ბევრი ტალანტიც ჰყავთ

იტალიურ გამოცემა momentidicalcio.com-ში გამოქვეყნდა ინტერვიუ რიკარდო ჩერველატისთან.

ის სპალ-ისა და "ბოლონიას" ყოფილი მეკარეა, რომელმაც კარიერის დასრულების შემდეგ საფეხბურთო აგენტობა დაიწყო და იტალიაში ცნობილი მენეჯერია. რამდენიმე წლის წინათ?ჩერველატი თბილისშიც იყო ჩამოსული და ქართველი ფეხბურთელების ტრანსფერებზეც უმუშავია.

momentidicalcio.com -ის ჟურნალისტმა ჩერველატის სწორედ ეს გაახსენა - თქვენ გაქვთ შესანიშნავი ურთიერთობა საქართველოსთან და ამ ქვეყნის ფედერაციასთან. რას გვეტყვით ქართული ფეხბურთის შესახებ? რა დონეზეა ახლა ის?

"საქართველოს გარდა, მქონდა ურთიერთობა რუსულ და ყოფილი საბჭოთა კავშირის სხვა ყოფილი რესპუბლიკებთანაც. იქ ჩემი ოფისიც კი მქონდა და ვმუშაობდი. ამიტომ, იქაურ რეალობას კარგად ვიცნობ. საქართველო არის ქვეყანა, რომელიც ძალიან ჩამორჩენილი საფეხბურთო კულტურის ჩიხიდან გამოსვლას ცდილობს", - ამბობს ჩერველატი.

იტალიელი მენეჯერი ქართული ფეხბურთის პრობლემებს ახსენებს: "ამ წლების განმავლობაში გიგანტური ნაბიჯები გადადგეს და ცდილობენ, ფეხბურთში ინვესტირება მოახერხონ.

ძალიან ნიჭიერები ბავშვები ჰყავთ, მაგრამ საქართველოს დროულად თუ არ დატოვებენ, ქუჩაში დაიკარგებიან. მათ ლიგაში რამდენიმე გამორჩეული გუნდია. უფრო ხშირად თბილისის "დინამო" იმარჯვებს, თუმცა წელს ჩემპიონი "საბურთალო" გახდა, ჩემთვის ძალიან ნაცნობი გუნდი, რომელსაც მრავალი წლის წინათ ვესტუმრე"...

ჩერველატი საქართველოს ახალ ჩემპიონზეც ლაპარაკობს: "ადრე "საბურთალო" მხოლოდ საფეხბურთო სკოლა იყო, ახლა ის ვითარდება, ჰყავთ პროფესიული გუნდი, რომელიც მომავალ წელს ჩემპიონთა ლიგის საკვალიფიკაციო ეტაპზე ითამაშებს. ეს მე სიამაყით მავსებს, რადგან შრომას წარმატებები მოაქვს.

პრობლემა ის არის, რომ ისინი ევროპისგან ცოტა იზოლირებულები არიან. ჩვენ უნდა ვეცადოთ, რომ გავიდეთ ამ უცხო ორბიტაზე, სადაც ფეხბურთელები ნიჭიერებას მოკლებულები არ არიან".

ყოველდღიური სპორტული გაზეთი "ლელო"
868
მკითხველის კომენტარები / 0 /
მსგავსი ამბები
რუბრიკის სხვა სიახლეები