იტალიის ნაკრების ანტირეკორდი. სკუადრა აძურამ 1925 წელი დააბრუნა [VIDEO]

ოთხშაბათს იტალიის ნაკრებმა საკუთარ მოედანზე ვერ მოუგო (1:1) ამხანაგური მატჩი უკრაინის ეროვნულ გუნდს და თავისივე ანტირეკორდი გაიმეორა. ეს იყო "სკუადრა აძურას" ზედიზედ მე-5 მოუგებელი თამაში შინაურ კედლებში. ანალოგიურ რამ მხოლოდ შორეულ 1923-25 წლებში მოხდა.

შეგახსენებთ, რომ იტალიის ნაკრებმა ასევე 1:1 ითამაშა შინ პოლონეთთან, ჰოლანდიასა და მაკედონიასთან, ხოლო ყველაზე მძიმედ მოსაგონარია უგოლო ფრე შვედეთთან (2017 წლის ნოემბერი), რამაც "სკუადრა აძურა" მსოფლიოს ჩემპიონატის მიღმა დატოვა.

ანდრეი შევჩენკოს მიერ გაწვრთნილ უკრაინასთან ფრედ დასრულებული მატჩის შემდეგ იტალიის ნაკრების თავკაცმა რობერტო მანჩინიმ ასეთი კომენტარი გააკეთა:

"გაცილებით მეტი მოგვეთხოვება წინა ხაზზე, გვჭირდება "მკვლელი" დაგვირგვინება, რადგან თუ გოლები არ გავიტანეთ, არაფერი გამოვა...

...ძალიან გვიჭირდა უპირატესობის მოპოვება და გაგვიჭირდა გოლის გატანაც, მაშინ, როცა უკრაინელებმა კარში სულ რაღაც მეორედ დარტყმით გაგვიტანეს...

...რა თქმა უნდა, ძალიან უკმაყოფილო ვარ ვერმოგებით, ისევე, როგორც ჩვენი მრავალრიცხოვანი გულშემატკივარი. თუნდაც იმის მიუხედავად, რომ ეს იყო ამხანაგური თამაში. თუმცა ცოტათი მამშვიდებს ის გარემოება, რომ მატჩის უფრო დიდ მონაკვეთში ვითამაშეთ იმაზე კარგი ფეხბურთი, ვიდრე წინა თამაშებში", - თქვა მანჩინიმ.

მან ახლა გუნდი უკვე ოფიციალური მატჩისთვის უნდა მოამზადოს - 14 ოქტომბერს "სკუადრა აძურა", ერთა ლიგის ეგიდით, სტუმრად პოლონეთს ეთამაშება.

 

198
მკითხველის კომენტარები / 0 /
მსგავსი ამბები
რუბრიკის სხვა სიახლეები