იუვენტუსის, ფიორენტინას და ატლეტიკოს ქალებმა არ დაგვინდეს

იტალია-საქართველო  6:0
1:0 ლინარი (10), 2:0 გუანი (25), 3:0 ირელი (27), 4:0 საბატინო (32), 5:0 საბატინო (45+1), 6:0 როზუჩი (52)
საქართველო: გაბუნია, პასიკაშვილი, კალანდაძე, მატვეევა (72. ჩემინავა), ჭიჭინაძე (85. . დანელია), ჭყონია (55. . დანელია), ტატუაშვილი, სუთიძე, ბაქრაძე, თოდაძე, რაუხი
სათადარიგოები: სუხაშვილი, გაბელაია, ქადაგიშვილი, ჩხარტიშვილი, წოწერია, ხაბურძანია
მწვრთნელი: ლევან ბაჯელიძე
გაფრთხილებები: პასიკაშვილი (50), თოდაძე (80)
არბიტრი: იულიანა დემეტრესკუ (რუმინეთი)

საქართველოს ქალთა ეროვნულმა ნაკრებმა  სტუმრად იტალიასთან ითამაშა და დიდი ანგარიშით დამარცხდა: ევრო 2021-ის საკვალიფიკაციო ეტაპის მეოთხე შეხვედრა ბენევენტოს "ჩირო ვიგორიტოს" სტადიონზე გაიმართა და მასპინძელთა სრული უპირატესობით წარიმართა.

ანგარიში მე-10 წუთზე მადრიდის "ატლეტიკოს" მცველმა ელენა ლინარიმ გახსნა. მასპინძელთა უპირატესობა კიდევ ერთმა მცველმა, ამჯერად "ფიორენტინას" ფეხბურთელმა ალია გუანიმ გაზარდა, ტაიმის ბოლომდე კი ჩვენი გუნდის კარი აიღეს "იუვენტუსის" თავდამსხმელმა კრისტინა ირელიმ, ხოლო "სასუოლოს" ფორვარდმა დანიელა საბატინომ დუბლი შეასრულა და შესვენებამდე ყველაფერი გაირკვა - 5:0.

მეორე ნახევარში იტალიელებმა კიდევ ერთი გოლი გაიტანეს - სტუმართა კარი ამჯერად "იუვენტუსის" თავდამსხმელმა მარტინა როზუჩიმ აიღო და საბოლოო ანგარიში დააფიქსირა - 6:0.

საქართველოს ქალთა ნაკრები ევრო 2021-ის მომდევნო საკვალიფიკაციო მატჩს 12 ნოემბერს სტუმრად დანიის წინააღმდეგ გამართავს. ვიბორგში ეს თამაში თბილისის დროით 21:00 საათზე დაიწყება.

B ჯგუფში საქართველოს 4 ტურის არცერთი ქულა არ აქვს და ბოლო, მე-6 ადგილზეა, რადგან მალტამ და ისრაელმა ფრედ (1:1) ითამაშეს.

558
მკითხველის კომენტარები / 0 /
მსგავსი ამბები
რუბრიკის სხვა სიახლეები
;