იუვენტუსი რეალის ოთხ  ფეხბურთელს ყიდულობს 

ტურინში გამომავალი “ტუტოსპორტი” ამტკიცებს, რომ ამ ზაფხულს “იუვენტუსი” “რეალის” ოთხ ფეხბურთელს იყიდის. წყაროს ინფორმაციით, “ბებერი ქალბატონის” ინტერესთა სფეროში არიან მარსელო, ხამეს როდრიგესი, დანი სებალიოსი და ისკო.

ზოგადად, “რეალი” დაინტერესებულია ფეხბურთელების გაყიდვით, რადგან სწორედ ამ გზით აპირებს ზაფხულის სატრანსფერო კამპანიის ნაწილობრივ დაფინანსებას. ფლორენტინო პერესმა უთხრა ზინედინ ზიდანს, რომ თუ სასურველი ფეხბურთელების ყიდვა სურს, მაშინ არასასურველ მოთამაშეებს უნდა შეელიოს.

ვიცით, რომ ერთ-ერთი მათგანია გარეთ ბეილი, რომელსაც “რეალი” ვერა და ვერ იშორებს, თუმცა უელსელი არც “იუვენტუსს” სურს. თავის მხრივ, არც ტურინში დასჭირდებათ ამდენი ახალი ფეხბურთელი, თუ ძველებს არ გაუშვებენ. როგორც ამბობენ, “იუვეში” აღარ იქნებიან მარიო მანჯუკიჩი, პაულო დიბალა და ალექს სანდრო.

“რეალის” ფეხბურთელების მიყვანით “იუვენტუსში” ორი კურდღლის დაჭერას იმედოვნებენ. ერთი, რომ ეს მოთამაშეები ისედაც გააძლიერებენ გუნდს, და მეორეც - ხელსაყრელ გარემოს შეუქმნიან კრიშტიანო რონალდოს, რომელიც მათთან კარგად არის შეთამაშებული. ეს კი მისი პროდუქტიულობის გაზრდის წინაპირობა შეიძლება გახდეს.

ყოველდღიური სპორტული გაზეთი "ლელო"
606
მკითხველის კომენტარები / 1 /
სპორტის მოყვარული
0
ბარემ სახელიც იყიდოს და ეგაა...
მსგავსი ამბები
რუბრიკის სხვა სიახლეები
;