იუვენტუსი სალაჰსაც ყიდულობს?

Sky News Arabia-ს ინფორმაციით, მოჰამედ სალაჰმა, შესაძლოა, კარიერა "იუვენტუსში" გააგრძელოს. იქვე დასახელებულია გარიგების სავარაუდო ღირებულებაც - 200 მილიონი ევრო. როგორც ამბობენ, შესაძლო ტრანსფერს მიესალმება კრიშტიანო რონალდოც.

"იუვენტუსის" მესვეურთა გათვლით, სალაჰმა უნდა შეცვალოს პაულო დიბალა, რომელსაც მასიმო ალეგრისთან ურთიერთობა დაეძაბა მას მერე, რაც მწვრთნელმა ვარჯიშის დროს თანაგუნდელების წინაშე გააკრიტიკა. მაღალი ალბათობით, დიბალა "რეალში" გადავა.

თუ "იუვენტუსს" არ გამოუვა სალაჰის გადაბირება, სათადარიგო ვარიანტს აამუშავებს - ეს არის "რეალის" შემტევი ნახევარმცველი მარკო ასენსიო.

პრემიერლიგის მიმდინარე სეზონში სალაჰის მონაგარი 26 მატჩში 17 გოლი და 7 საგოლე პასია. ეგვიპტელმა არადამაჯერებლად დაიწყო სეზონი, მაგრამ ახლა კარგ ფორმაშია და ბომბარდირთა დავას სერხიო აგუეროსთან ერთად ლიდერობს.

შეგახსენებთ, რომ "იუვენტუსმა" გუშინ თავისუფალი აგენტის სტატუსით აიყვანა "არსენალის" აწ უკვე ყოფილი ნახევარმცველი, უელსელი აარონ რემზი

652
მკითხველის კომენტარები / 0 /
მსგავსი ამბები
რუბრიკის სხვა სიახლეები
;