იურგენ, მიხედე პრემიერლიგას და ჩემპიონთა ლიგას! ლივერპულის მფლობელებისთვის უპირველესი მიზანი პრემიერლიგაა!

გასულ სეზონში ჩემპიონთა ლიგის მოგების შემდეგ, „ლივერპულის“ ისედაც გადატვირთულ კალენდარს უეფას სუპერთასისა და მსოფლიოს საკლუბო ჩემპიონატის მატჩები დაემატა. აქედან გამომდინარე, „ლივერპულის“ მფლობელი კომპანიის Fenway Sports Group-ის ხელმძღვანელობამ თხოვნით მიმართა გუნდის მთავარ მწვრთნელ იურგენ კლოპს მიმდინარე სეზონში სწორად დასახოს პრიორიტეტები და ამის მიხედვით გადაანაწილოს ძალები.

Daily Mirror-ის ექსკლუზიური მასალიდან ირკვევა, რომ კლუბის ხელმძღვანელობის უდიდესი სურვილია „ლივერპულმა“, 30 წლის შემდეგ, პრემიერლიგის ჩემპიონობა იზეიმოს და ამასთანავე, შეეცადოს ჩემპიონთა ლიგაზე ტიტულის დაცვას, ყოველივე ამის გათვალისწინებით, მერსისაიდელთა ბოსებმა კლოპს განუცხადეს, რომ ძირითადი აქცენტი პრემიერლიგასა და ჩემპიონთა ლიგაზე გადაიტანოს და განსაკუთრებული ყურადღება არ მიაქციოს ინგლისის თასის, ლიგის თასისა და სხვა მეორეხარისხოვან გათამაშებებს.

463
მკითხველის კომენტარები / 0 /
მსგავსი ამბები
რუბრიკის სხვა სიახლეები
;