გამოიცანით: პირველი შეხვედრისას კლოპს ეჭირა ლუდი თუ მის მომავალ ცოლს? [იურგენ კლოპის LoveStory]

ულა კლოპს, ჩემპიონთა ლიგის ტრიუმფატორი გუნდის თავკაცის იურგენ კლოპის მეუღლეს საწერად მსუყე თემა მიეცა.

მისი ქმრის მიერ დამოღძვრილმა გუნდმა მსოფლიოში ყველაზე პრესტიჟული საკლუბო ჯილდო მოიპოვა. კლოპის მეუღლე, პროფესიით მასწავლებელია, ის საბავშო მწერალი გახლავთ და რამდენიმე წიგნიც აქვს გამოცემული. ნიშანდობლივია, რომ ულა ბავშვებისთვის სპორტულ, კერძოდ კი საფეხბურთო თემაზე წერს. მისი ერთ-ერთი წიგნი Fastination in Football, რომელიც 2008 წელს გამოვიდა განსაკუთრებით იურგენს მოეწონა და ის ჰარი პოტერსაც შეადარა.

ისე კი ულას მომავალი მეუღლე მაინც და მაინც წერით არ მოუხიბლავს. ვიდრე კალამს აიღებდა ხელში ლუდის კათხა ეჭირა და მიმტანის ამპლუაში ამჟამინდელი ტრიუმფატორი მწვრთნელი ჯერ კიდევ დორტმუნდის "ბორუსიაში" მუშაობისას გაიცნო. ერთმანეთი ოქტობერფესტზე მიუნხენის ერთ-ერთ ბარში ნახეს. იურგენმა ულას მიერ მორთმეულ ლუდის კათხას ქაფი მოხსნა და მერე თავად გოგონაც მოხსნა (ხელს გააყოლა).

LoveStory. მასიმილიანო ალეგრი - დიდი მექალთანე! ქორწილისთვის ყველაფერი შეკვეთილი იყო, როცა...

იურგენი და ულა 2005 წლიდან ერთად არიან. ერთი საფეხბურთო ტაქტიკაზე მუშაობდა, მეორე წიგნებზე, თუმცა ქალბატონი ულა ბოლო ხანს თავის ფლანგზე ნაკლებად აქტიურობს და მეტადრე ნისლიან ალბიონზე გადასვლის შემდეგ უფრო ქმრისთვის გვერდში დგომითაა დაკავებული.

კლოპებს გერმანიაში ყოფნისას პოლიციასთან ჰქონდათ საქმე, ოღონდ კანონი თავად არ დაურღვევიათ. პირიქით მათთან დამოკიდებულებაში ვიღაც ვიგინდარა არღვევდა. 2012 წელს, როდესაც იურგენი დორტმუნდის "ბორუსიას" მოძღვრავდა პოლიციასთან დაკავშირება და თავისი ოჯახისთვის დაცვის აყვანა მოუწია. საქმე იმაში გახლდათ, რომ მის ცოლს ვიღაც სისტემატიურად ურეკავდა და ემუქრებოდა. იურგენმა თავდაპირველად ეს ზარები მიუნხენის "ბაიერნის" ფანების ცინიკურ ხუმრობად მიიჩნია, ამიტომ ნაკლებ ყურადღებასაც აქცევდა, მაგრამ მერე იმ უცნობმა კაცმა უფრო მეტი დეტალი გაამჟღავნა. აღმოჩნდა, რომ უთვალთვალებდა - ულას უთხრა ვინ ჰყავდა პირად პარიკმახერად, თუ მანიკიურის სპეციალისტად, რომელ დღეს სად მიდიოდა და ა.შ. ინციდენტი მალე ამოიწურა. კლოპები ინგლისში წავიდნენ და ბითლზის ქალაქში დასახლდნენ.

ჯონ ტერის LoveStory. უცნაური სასიყვარულო სამკუთხედი

მერე ბევრი იშრომეს და აგერ ევროპულ მწვერვალზეც დგანან. ულა იმაზე ცნობილი სახე გახდა, ვიდრე შარშან იყო. არადა შარშან წუხდა მშვიდად ვერ დაგვისვენია მე და იურგენს – სულ პაპარაცები დაგვდევენო.

პაპარაცების ინტერესი ამათ ახლა ნახონ, კუთვნილი შვებულებისას რომ წავლენ სადმე იბიცაზე ან მალდივებზე.

6375
მკითხველის კომენტარები / 0 /
მსგავსი ამბები
რუბრიკის სხვა სიახლეები
;