იურგენ კლოპი: ბიჭებს ვარჯიშზე გაშიშვლება შევთავაზე

"ლივერპულის" მთავარმა მწვრთნელმა, იურგენ კლოპმა მერსისაიდული კლუბის გასახდელში შექმნილი ატმოსფეროს შესახებ ისაუბრა.

"ჩვენ ძალიან კარგი გუნდი ვართ. ყველა აღფრთოვანებული ვართ იმ სიგიჟით, რომელიც მოჰამედ სალაჰის ირგვლივაა შექმნილი.

"მანჩესტერ სიტისთან" მატჩამდე გასამართ ვარჯიშზე ბიჭებს გაშიშვლება და ასე გამოსვლა შევთავაზე. ამას ყურადღებას არავინ მიაქცევდა, ყველა მაინც სალაჰს დააკვირდებოდა, თუმცა ჩვენთვის ეს პრობლემა არ არის.

ახლა ჩვენ რომი გველის. არ ვფიქრობ, რომ სიტუაცია ოდნავაც კი შეიცვლება.

ბიჭებმა გუნდში შესანიშნავი ატმოსფერო შექმნეს. თითოეული წარმატებული კოლექტივისათვის კარგი ატმოსფერო აუცილებელია. სხვა კლუბებში შესაძლოა შესანიშნავი ფეხბურთელები ჰყავთ, მაგრამ არა გუნდი.

ჩემი ბიჭები ერთმანეთს გვერდში უდგანან. ძალიან დიდი შანსი გვაქვს, დიდებული საქმე გავაკეთოთ მომავლისათვის," - ამბობს გერმანელი სპეციალისტი.

შეგახსენებთ, "ლივერპული" ჩემპიონთა ლიგის ნახევარფინალში "რომას" დაუპირისპირდება. 24 აპრილს "წითლები" იტალიელებს უმასპინძლებენ, განმეორებითი მატჩი კი რომში 2 მაისს გაიმართება.

სალაჰმა ამ სეზონში 45 მატჩი გამართა და 40 გოლი გაიტანა.

2421
მკითხველის კომენტარები / 0 /
მსგავსი ამბები
რუბრიკის სხვა სიახლეები
;