იურგენ კლოპი: ფირმინო? თუ პოჩეტინო ახლავე იტყვის თავის სრულ შემადგენლობას, მეც გეტყვით, ითამაშებს თუ არა ფირმინო...

იურგენ კლოპმა ფინალისწინა პრესკონფერენციაზე თქვა, რომ მშვიდად არის, რადგან მეტოქის უპირატესობას ვერ ხედავს, წინააღმდეგ შეთხვევაში, "გაცოფებული" იქნებოდა:

"მეტოქეს უპირატესობა არ აქვს. ასე რომ იყოს, ახლა გაცოფებული ვიქნებოდი. ვიცი, რომ ხალხი ფავორიტად გვთვლის, ალბათ, იმიტომ, რომ პრემიერლიგაში დიდი უპირატესობით ჩამოვიტოვეთ "ტოტენჰემი", მაგრამ რომ ნახოთ ჩვენი ურთიერთშეხვედრები, ორივეჯერ ანგარიში მხოლოდ 2:1 იყო ჩვენს სასარგებლოდ. ასე რომ, ფინალის წინ უპირატესობა არავის აქვს...

ვერ ვიტყვი, რომ დღემდე ჩემი კარიერა უიღბლოდ წარიმართა. დაწყებული 2012 წლიდან, თუ არ ჩავთვლით 2017-ს, ყოველთვის ვიყავი ფინალში. ალბათ, რეკორდსმენი ვარ მოგებული ნახევარფინალებით. ახლა ამაზე რომ წიგნი დავწერო, ალბათ არავინ იყიდის...

ჩემი ოჯახი და მეგობრები ყოველთვის მაძლევენ ძალას, ისინი მხურვალედ მიჭერენ მხარს და ეს ძალიან მეხმარება. ამიტომაც მინდა გამარჯვება, რომ გავახარო ისინი, მინდა, რომ ბედნიერები იყვნენ ფინალის შემდეგ...

ფინალში ერთმანეთს ორი მაღალი კლასის გუნდი ხვდება. ძალიან დიდ პატივს ვცემ მაურისიო პოჩეტინოს და მის მიერ გაწეულ სამუშაოს. ამ ფეხბურთელების უმრავლესობა მას თავიდანვე ჰყავდა "ტოტენჰემში", მაგრამ მათ ერთად გაცილებით მეტ პროგრესს მიაღწიეს...

თუ ჩემს ფინალებს გავიხსენებ, თითოეულ ამ ფინალში სხვადასხვა სიტუაცია და სხვადასხვა გუნდები უპირისპირდებოდნენ ერთმანეთს. თუ პირადად მე ვარ ყველა წაგებულ ფინალში დამნაშავე, მაშინ კვლავ დიდი ნერვიულობა მოგვიწევს... შარშანდელ ფინალში წავაგეთ გოლი-შედევრის გამო და ორი ისეთი გოლის გამოც, როგორსაც, ჩვეულებრივ სიტუაციაში არ ვუშვებთ ხოლმე...

ფირმინო? ის მზად არის. მაგრამ ითამაშეს თუ არა ძირითად შემადგენლობაში, მხოლოდ იმ შემთხვევაში გეტყვით, თუ "პოჩი" (პოჩეტინო - რედ) სრულ შემადგენლობას გამოაქვეყნებს".

333
მკითხველის კომენტარები / 0 /
მსგავსი ამბები
რუბრიკის სხვა სიახლეები
;