იურგენ კლოპი: ყველაფერი იდეალურად იყო, გარდა ერთისა...

"ბაიერნმა" ვერაფერი გააწყო შინ "ლივერპულთან", ვისთანაც პირველი მატჩი შინ 0:0 ჰქონდა ნათამაშები. საპასუხო დაპირისპირებაში "ალიანც არენაზე" ერთი გუნდი დომინირებდა, "ბაიერნი" კი ძალიან უსახური იყო. "არანაირი გეგმა, არანაირი სიმამაცე" - დაწერა "კიკერმა".

მართლაც და, უცნაური იყო, რომ "რეკორდმაისტერი" საერთოდ ვერ აბამდა თავს შეტევას, ფეხბურთელები დუნედ გადაადგილდებოდნენ და ბუნებრივია, შანსებსაც ვერ ქმინდნენ, თუ არ ჩავთვლით ერთ ეპიზოდს, როცა რობერტ ლევანდოვსკიმ ფლანგური პასი გოლით ვერ დააგვირგვინა. 

"ლივერპულის" მთავარმა მწვრთნელმა იურგენ კლოპმა "ბაიერნთან" გამარჯვების (3:1) შემდეგ განსაკუთრებულად აღნიშნა ფორვარდების როლი: "ყველაფერი იდეალურად იყო, თუ არ ჩავთვლით ჯორდან ჰენდერსონის ტრავმას. ჩვენ ძალიან კარგი სანახაობა ვაჩვენეთ მეორე ტაიმში. ფორვარდების ტრიომ თავი დიდებულად წარმოაჩინა. ისინი გუნდს ძალიან დაეხმარნენ... წილისყრის ნებისმიერი შედეგისთვის მზად ვართ. ყველა დარჩენილი გუნდი უძლიერესია. ჰენდერსონის ტრავმამ გული დამწყვიტა. პირველი გოლი კი, ალბათ, 500-ჯერ უნდა ვნახო. მანემ რაღაც შედევრალური გააკეთა".

"მინდა, იურგენ კლოპს მივულოცო! მას შესანიშნავი გუნდი ჰყავს. სანამ მეორე გოლს გავუშვებდით, ღია ფეხბურთს ვთამაშობდით. ყველამ ნახა, თუ როგორ შეუძლია ერთ "სტანდარტს" ვითარების შეცვლა. "ლივერპული" ახლა შესანიშნავ ფორმაშია. ამ გუნდმა გასულ სეზონში ითამაშა ჩემპიონთა ლიგის ფინალში, ახლა კი ინგლისის ჩემპიონობისთვის იბრძვის. მათ ჩვენი ადგილი გვიჩვენეს", - აღნიშნა "ბაიერნის" თავკაცმა ნიკო კოვაჩმა, რომელსაც, წესით, დიდი დრო არ უნდა ეწეროს ამ პოსტზე.

816
მკითხველის კომენტარები / 0 /
მსგავსი ამბები
რუბრიკის სხვა სიახლეები
;