იურგენ კლოპი: ყოველთვის ვამბობდი და აი, მართალი აღმოვჩნდი!.. არის თუ რა კონფლიქტი ლივერპულის მწვრთნელსა და სალაჰს შორის?

ყველამ ნახა საოცარი კადრი - ლიონელ მესის ბრწყინვალე გოლის შემდეგ გაღიმებული იურგენ კლოპი. კადრი ძალიან სახასიათოა. კლოპმა იცის ღირსეული მეტოქის დაფასება. მას შეუძლია, აღიაროს მარცხი...

"ასეთია ფეხბურთი, - თქვა მან პრესკონფერენციაზე, - ის იმისთვისაა, რომ გოლი უნდა გაიტანო, ეს არის ფეხბურთის არსი. "ბარსელონამ" გაიტანა სამი, ჩვენ - ვერცერთი. არადა, შეტევაში არ გვითამაშია ცუდად, ფეხბურთელებიც მაქსიმალურად დაიხარჯნენ, მაგრამ, როცა "ბარსელონას" ეთამაშები, მარცხისთვის საკმარისია მეტოქის რამდენიმე მცდელობაც...

კმაყოფილი ვარ ჩემი გუნდით, მაგრამ უკმაყოფილო ვარ შედეგით. ეს მძიმე მარცხი იყო, მაგრამ ჩვენ უნდა მივიღოთ ეს მარცხი, როგორი მძიმეც არ უნდა იყოს ის. სიმართლე გითხრათ, არც კი ვიცი, "ლივერპულს" უკეთ თამაში შეუძლია თუ არა. მესის დარტყმული იყო საოცრება. ამ ბურთის მოგერიება წარმოუდგენლად მეჩვენება. ვფიქრობ, ჩვენი რეაქცია კარგი იყო, "ბარსას" პრობლემები შევუქმენით...

დავინახე, რამხელა გული აქვთ ჩემს ფეხბურთელებს და ეს ძალიან მომეწონა. ჩვენ ყველაფერს ვიღონებთ საპასუხო მატჩში. რა თქმა უნდა, ჩვენს გასახდელში არ არის მხიარულება, მაგრამ ეს არის გამოცდა, რომელსაც უნდა გავუძლოთ. ახლა მთავარია მატჩი "ნიუკასლთან", რომელიც შაბათს გაიმართება. მთელი ჩვენი ყურადღება ახლა აქეთკენაა", - თქვა კლოპმა და იქვე კომენტარი გააკეთა მოჰამედ სალაჰთან "კონფლიქტის" თაობაზე, რის გამოც ეგვიპტელმა, თითქოს, ტრანსფერზე დაყენება მოითხოვა:

"ყოველთვის ვამბობდი და ხომ ხედავთ, მართალი აღმოვჩნდი - 3 პროცენტიც კი არ არის დასაჯერებელი, რაზეც პრესაში წერენ. სალაჰთან არანაირი კონფლიქტი არ მაქვს, განსაკუთრებით "ჩელსისთან" მატჩის შემდეგ", - დასძინა კლოპმა.

1770
მკითხველის კომენტარები / 0 /
მსგავსი ამბები
რუბრიკის სხვა სიახლეები
;