იყო ვარიანტი ჩვენი ჩემპიონატის უმაყურებლოდ გაგრძელების, მაგრამ...

ესეც გაივლის, მთავარი ჯანმრთელობაა!..

ცნობილია, რომ საქართველოს ფეხბურთის ფედერაციის გადაწყვეტილებით, ეროვნული ჩემპიონატი 1 აპრილამდე შეჩერდა. რა თქმა უნდა, ეს არ იყო იოლად მისაღები გადაწყვეტილება. როცა სიტუაცია დასტაბილურდება, იქნებ გვარიანი აჩქარებაც დაგვჭირდეს, ძველ გრაფიკს რომ დავეწიოთ, მაგრამ აქ საქმე ადამიანების, ჩვენი ფეხბურთელების, ჩვენი მსაჯების, კლუბების მომსახურე პერსონალისა და გულშემატკივრების ჯანმრთელობას ეხება. ამ დროს გარისკვა კი არ შეიძლება.

რა თქმა უნდა, ყველამ ვიცით, რომ თუნდაც თბილისში საქართველოს ჩემპიონატის მატჩებზე თითზე ჩამოსათვლელი ხალხი დადის და დედაქალაქში საფრთხე, მაინცდამაინც, დიდი არ უნდა იყოს, თუ საკითხს ჩვენი პირველობის პრიზმაში შევხედავთ, მაგრამ რა ვუყოთ რეგიონებს, სადაც ასე თუ ისე მაინც გვაქვს დასწრება? მოკლედ, ადამიანების ჯანმრთელობას კითხვის ნიშნის ქვეშ ვერ დავაყენებთ...

აქ არის კიდევ ერთი მომენტი. სავარაუდოდ, საქართველოს ფეხბურთის ფედერაციის პოზიცია ამ შემთხვევაში გაიზიარა ევროპული ფეხბურთის მმართველმა ორგანომაც. გვგონია, რომ იყო ვარიანტი ჩვენი ჩემპიონატის უმაყურებლოდ გაგრძელების, მაგრამ ამას ისევ გადადება სჯობს და აი, რატომ - საქართველოს ჩემპიონატი კი არა, ტოპლიგებიც კი კარგავენ ეშხს მაყურებლის გარეშე და წარმოვიდგინოთ, რა იქნება ჩვენთან, სადაც დონე ისედაც არ არის მაღალი...

უმაყურებლოდ თამაში ალბათ უკიდურესი გამოსავალია, რომელსაც, წესით, მხოლოდ მაშინ უნდა მივმართოთ, თუ, ღმერთმა არ ქნას და, ვითარება აპრილშიც არ ჩაწყნარდა, მაგრამ იმედი დავიტოვოთ, რომ ასე არ იქნება.

ისე კი, თამაშების უმაყურებლოდ ჩატარება, მით უმეტეს დიდი მატჩებისა, სულაც არ გვგონია გამოსავალი. ჩვენი პირველობა იქით იყოს და, საქართველო-ბელარუსი უმაყურებლოდ რომ ჩატარდეს, წარმოდგინეთ, რამდენი მაყურებელი მოგროვდება "დინამო არენასთან" ან სადმე სხვაგან. ყველას გვჯერა, რომ მოვიგებთ. წარმოგიდგენიათ, რა ხვევნა-კოცნა ატყდება?!

ისე კი, ესეც გაივლის, ასეა ამ სამყაროს წესი და კანონი...

992
მკითხველის კომენტარები / 1 /
Arien
0
Isetac sul umayureblot ar tamashoben :))
ასევე
0
100-ni.:D:D:
17:05 2020.03.13
მსგავსი ამბები
რუბრიკის სხვა სიახლეები
;