იცნობდეთ. ვინ არის რომას დირექტორი, რომელიც ჩაკვეტაძეს აკვირდება?

გიორგი ჩაკვეტაძემ მსოფლიოს გაახსენა, რომ სპორტის ამ ლამაზ სახეობას საქართველოშიც მისდევენ. 19 წლის ქართველი ფეხბურთელის მიმართ ინტერესი არ ნელდებაცნობილი იტალიური ინტერნეტგამოცემა laroma24.it-ის ინფორმაცია უკვე იცით - "რომა" გიორგი ჩაკვეტაძითაა დაინტერესებული - საქართველოს ნაკრებისა და "გენტის" შემტევის ტრანსფერზე მონჩი (რამონ როდრიგეს ვერდეხო) მუშაობსახლა სწორედ ამ ადამიანის საქმიანობაზე მოგიყვებით...

რომაელთა ესპანელი სელექციონერი მონჩი საფეხბურთო სამყაროში ცნობილია მეტსახელით - "ადამიანი-აღმოჩენა". 2000-17 წლებში "სევილიას" სპორტული დირექტორი იყო და სწორედ მის სახელს უკავშირდება ამ კლუბის წინსვლა. მონჩის თავიდან ანდალუსიელთა საბავშვო აკადემიების ქსელის განვითარება და სელექცია ევალებოდა.

საინტერესოა, რომ ამ პერიოდში, მისი უშუალო ძალისხმევით, რამდენიმე ცნობილი მოთამაშე გაიზარდა და დაწინაურდა - სერხიო რამოსი, ხოსე ანტონიო რეიესი, ალბერტო მორენო, ხესუს ნავასი, დიეგო კაპელი, აწ გარდაცვლილი ანტონიო პუერტა...

ამას გარდა, კლუბში 17-წლიანი მუშაობის პერიოდში მონჩიმ მთელ მსოფლიოში ასობით სკაუტისგან შემდგარი საკლუბო სელექციის ქსელი შექმნა. "სევილიას" არ ჰქონდა დიდი ბიუჯეტი და კლუბის  სპორტული დირექტორი შეეცადა ახალგაზრდა, ნიჭიერი მოთამაშეები მანამდე გადაებირებინა, სანამ მათ მდიდარი გრანდები მიაქცევდნენ ყურადღებას. მონჩის წყალობით, კლუბმა ბევრი ისეთი ფეხბურთელი აიყვანა, რომლებმაც მის ისტორიაში დიდი კვალი დატოვეს - ხავი ნავარო, ჟულიო ბაპტიშტა, დანი ალვეში, ადრიანო, რენატო, ფრედერიკ კანუტე, ლუიშ ფაბიანო, ანდრეს პალოპი, ენცო მარესკა, კრისტიან პოულსენი, ფედერიკო ფასიო, სეიდუ კეიტა, სებასტიან სკილაჩი, ალვარო ნეგრედო, ივან რაკიტიჩიმარტინ კასერესი, გარი მედელი, ჟოფრუა კონდოგბია, კარლოს ბაკა, კევინ გამეირო, სტეფან მბია, ალეიშ ვიდალი, გჟეგოჟ კრიხოვიაკი, ფერნანდო ლორენტე, სტივენ ნზონზი, ადილ რამი - საკითხავი ისაა, ვინღა დარჩა?!

სწორედ მონჩის დამსახურებაა, რომ მოგვიანებით ამ მოთამაშეებიდან ბევრი სარფიან ფასში გაყიდეს და "სევილიამ" 17 წლის განმავლობაში 200 მილიონ ევროზე მეტი მოგება ნახა. "რომას" სპორტული დირექტორი ის 2017 წლის აპრილში გახდა.

ძნელი სათქმელია, რამდენად რეალურია მონჩის მხრიდან ქართველისადმი ინტერესზე გავრცელებული ეს ინფორმაციაა. ახლა ჩაკვეტაძის მომავალზე ტყუილ-მართალი ერთმანეთშია აზელილი. მაგრამ ზემოთ დასახელებულ სიაში მისი ხილვა ძალიან სასიამოვნო იქნება.

ერთი რეპლიკაც წინასაახალწლო გამოკითხვებამდე: 2018 წელს, ვის გამოც მსოფლიო მედიაში ყველაზე მეტად ვხვდებოდით სიტყვებს - "საქართველო" და "ქართველი", სწორედ გიორგი ჩაკვეტაძეა. არავის თავს არ ვახვევ ჩემს მოსაზრებას, მაგრამ მარტო ამის გამო იმსახურებს ის წლის საუკეთესო ახალგაზრდა ქართველი სპორტსმენად დასახელებას. ვფიქრობ, ეს ყველაზე სამართლიანი გადაწყვეტილება იქნება.

747
მკითხველის კომენტარები / 0 /
მსგავსი ამბები
რუბრიკის სხვა სიახლეები