იცოდით ეს რეკორდი?! 

საქართველოს ჩემპიონატზე დასწრების რეკორდები დედაქალაქის მიღმა ფიქსირდებოდა და ფიქსირდება.

წლეულს რეკორდებს ბათუმის “დინამოს” გულშემატკივრები ამყარებენ. მაგრამ არანაკლებ საინტერესოა, რამდენმა ადამიანმა უყურა ამ თამაშს ეროვნული ლიგის “იუთუბ-არხზე”. 

24 აპრილს, ეროვნული ლიგის მე-10 ტურის შეხვედრას ანგისას სპორტულ ბაზაზე ბათუმის “დინამოსა” და “საბურთალოს” შორის (რომელიც მასპინძლებმა 4:2 მოიგეს) 6 ათასი მაყურებელი ესწრებოდა. “იუთუბ-არხზე” კი ამ თამაშს თვალს 22 622 ადამიანი ადევნდება.

სასიხარულოა, რომ არის ზრდის აშკარა ტენდენცია და აბსოლუტური რეკორდიც შთამბეჭდავია - რეკორდი, რომელიც 4 მაისს, XI ტურში დაფიქსირდა, როდესაც ქუთაისის “ტორპედომ” წყალტუბოს 26 მაისის სახელობის სტადიონზე ბათუმის “დინამო” მიიღო. გარდა იმისა, რომ სტადიონზე 4 ათასამდე მაყურებელი მივიდა, ეროვნული ლიგის “იუთუბ-არხზე” მატჩი 33 268 ათასმა ადამიანმა იხილა. ანუ, მთლიანობაში, სტადიონზე დამსწრეთა ჩათვლით, თამაში 37 ათასამდე ქომაგმა ნახა.

მას შემდეგ, რაც ფეხბურთის ფედერაციამ ეროვნული ლიგის პოპულარიზაცია ამ გზით გადაწყვიტა, მსგავსი მაჩვენებელი არც ერთ შეხვედრას არ ჰქონია. დინამიკას დააკვირდით - პირველ წელს რეკორდი 8,1 ათასი ნახვა იყო.

ბოლო პერიოდთან შედარებით საკმაოდ ბევრი მაყურებელი იყო თბილისისა და ბათუმის “დინამოთა” გუშინწინდელ მატჩზე, “იუთუბ-არხზე” კი ამ თამაშმა 20 620 ნახვა დააგროვა, რაც ბოლო წლებში თბილისური მატჩისთვის რეკორდია.

ყოველდღიური სპორტული გაზეთი "ლელო"
1305
მკითხველის კომენტარები / 0 /
მსგავსი ამბები
რუბრიკის სხვა სიახლეები
;