კავანი და ლორისი რეალში?

კავანიც და უკვე ლორისიც?

ესპანური გამოცემა ას-ის ინფორმაციით, "რეალს" შეტევის გაძლიერება ურუგვაის ნაკრებისა და "პარი სენ-ჟერმენის" ფორვარდის, 31 წლის ედინსონ კავანის გადაბირებით სურს. სწორედ მან უნდა შეცვალოს კრიშტიანო რონალდო, ვინც ცოტა ხნის წინ "იუვენტუსს" მიაშურა.

გასულ სეზონში კავანიმ პსჟ-ში 48 მატჩი (ყველა ტურნირის ჩათვლით) ჩაატარა და 40 გოლი შეაგდო. თანაც, ურუგვაელის გაყიდვის ალბათობას არ გამორიცხავს პარიზული კლუბის პრეზიდენტი ნასერ ალ ხელაიფი.

გადავინაცვლოთ სხვა ფრონტზე. ცნობილია, რომ მადრიდელებს მეკარის ყიდვაც უნდათ და მზად არიან, 60 მილიონი ევრო გადაუხადონ "ტოტენჰემს" საფრანგეთის ეროვნული ნაკრების მეკარის, უგო ლორისის სანაცვლოდ.

"სამეფო კლუბი" თადარიგს იჭერს, რადგან "ჩელსი" ვერა და ვერ ელევა ბელგიის ნაკრების მეკარე ტიბო კურტუას. ამ ეტაპზე ცნობილი მხოლოდ ის არის, რომ მადრიდულ გრანდს, დიდი ალბათობით, დატოვებს კოსტარიკელი მეკარე კეილორ ნავასი. ძლიერი შემცვლელის საჭიროებაც ამად დადგა.

ყოველდღიური სპორტული გაზეთი "ლელო"
1229
მკითხველის კომენტარები / 0 /
მსგავსი ამბები
რუბრიკის სხვა სიახლეები
;