"კაკტუსის" ეფექტური სვლა "მგზავრებმა" შეწყვიტეს

24 მარტი, თბილისი

მარნეული-ქუთაისი 81:89
16:21, 26:14, 17:26, 22:28

მარნეული: ნილი (11ქ, 5პ), ვახანია (3ქ), ელიაძე (6ქ), რეი (12ქ, 8მ), ფაცაცია (12ქ, 7მ), ლობჟანიძე (21ქ), ანთაძე (8ქ), შვეცი (8ქ).
ქუთაისი: ლი (19ქ, 6პ), ბაბუნაშვილი (8ქ), ცირეკიძე (4ქ), გ. ბარბაქაძე (15ქ, 5მ), ლომოური (10ქ, 5მ, 3პ), დვალიშვილი (20ქ, 10მ), ბექაური (13ქ, 9მ).

ქვემოქართლურმა გუნდმა წინა ტურში "დინამო" დაამარცხა... მარნეულელები ქუთაისელებსაც უგებდნენ, ერთხანს 10 ქულითაც, მაგრამ ლიდერობა ბოლომდე ვერ შეინარჩუნეს და ბრძოლაში დათმეს.

რის ხარჯზე მოახერხა "ქუთაისმა" გამარჯვება? მოვუსმინოთ "მარნეულის" თავკაც თემურ კანკიას:
- მოგეხსენებათ, მაღალი მოთამაშეები არ გვყავს, რის გამოც ჩვენი შანსები ძლიერი წინახაზელების მყოლ გუნდებთან მცირდება. პირველ ტაიმში კარგად ვითამაშეთ, დაცვითი ფუნქციები კარგად შევასრულეთ, თუმცა, მეორე ტაიმში მეტოქემ დაგვჯაბნა...

24 მარტი, თბილისი

მგზავრები-კაკტუსი 91:77
18:20, 25:20, 22:13, 26:24

მგზავრები: ბოუი (23ქ, 6მ, 9პ), ჯინჭარაძე (13ქ, 11მ, 4პ), ალხანაიძე (9ქ, 10მ), სტეფორდი (25ქ, 5მ), ლომინაშვილი (14ქ, 6მ), დ. ბარბაქაძე (3ქ), ქავთარაძე (1ქ), ფხაკაძე (3ქ, 3პ).
კაკტუსი: პარკსი (22ქ), გაგუა, ბოისა (5ქ, 5მ), ტურძელაძე (14ქ, 7მ, 3დ), ბრიჯმენი (10ქ), ჯონსონი (8ქ), ლომიძე (2ქ), მიჩელი (12ქ, 6მ), გოგალაძე (4ქ).

მიუხედავად იმისა, რომ ლიდერთა სამეულში არ არიან, ორივე გუნდი გასულ მატჩებში წარმატებით ასპარეზობდა. "მგზავრებმა" წინა მატჩებში "ქუთაისი" და "რუსთავი" დაამარცხა, "კაკტუსმა" კი "რუსთავს", "სოხუმს" და "ქუთაისს" მოუგო. ამავდროულად, ცხრილში ამ გუნდებს შორის სოლიდური სხვაობა გახლდათ კაკტუსელთა სასარგებლოდ, რომლებიც "მგზავრებს" მთელი 5 მოგებით უსწრებდნენ.

ამის მიუხედავად, შეხვედრა ბუბა ბერიშვილის გაწვრთნილი "მგზავრების" დამაჯერებელი გამარჯვებით – 91:77 დასრულდა. "კაკტუსის" მთავარი მწვრთნელის, არჩილ ჟღენტის მატჩისშემდგომი კომენტარის თანახმად, მისი გუნდი ამ მატჩს ფსიქოლოგიურად მოუმზადებელი შეხვდა.

მოგეხსენებათ, კაკტუსელებმა 2 დღის წინ რუსთავში მოპოვებული გამარჯვების შედეგად თასის გათამაშების ფინალის საგზური მოიპოვეს და მათი მწვრთნელის თქმით, "მგზავრებთან" სათამაშოდ მისი გუნდის წევრები თავდაჯერებულები გავიდნენ.

24 მარტი, თბილისი

ოლიმპი-რუსთავი 80:83
21:11, 15:28, 15:24, 19:20

ოლიმპი: გივი ბაქრაძე (15ქ, 5პ), როგავა (12ქ, 3პ, 4ჩ), გეგი ბაქრაძე (13ქ, 8მ), ბოქოლიშვილი (8ქ), ჭოჭუა (9ქ), დარბაიძე (6ქ, 5მ), ჰილი (17ქ, 19მ, 3პ).
რუსთავი: ხმელიძე, ბლეიზეკი (25ქ), ცეკვავა (10ქ, 10მ 6პ, 4ჩ), ჩაჩანიძე (10ქ), გუგავა (4ქ, 5მ), ნელსონი (19ქ, 11მ, 4პ), ბერნარდი (15ქ)

საინტერესო გამოდგა მატჩის დასკვნითი მონაკვეთი: ბოლო წუთზე "ოლიმპი" მეტოქეს 2 ქულით მიუახლოვდა, დაცვაშიც იყოჩაღა და შეტევის უფლებაც მოიპოვა, მაგრამ… საფინალო სირენამდე 10 წამით ადრე ფარქვეშ შეჭრილმა ბაქრაძემ თანაგუნდელს არაზუსტი პასი მიაწოდა, რითაც ოლიმპელებმა მოგების შანსი ფაქტობრივად დაკარგეს.

მასპინძელთა ტაქტიკური ჯარიმის შემდეგ რუსთაველმა გოგა ცეკვავამ 2-დან 1 საჯარიმო ჩააგდო, რის შემდეგაც 3 ქულით ჩამორჩენილ "ოლიმპს" თამაშის გადარჩენის შანსი მიეცა, მაგრამ ბოქოლიშვილის ცენტრიდან ნასროლმა სამქულიანმა რუსთაველთა კალათს ვერ მიაღწია.

რამაზ გოგობერიშვილი ("რუსთავის" მთავარი მწვრთნელი):
- ცუდი პერიოდი გვქონდა, ბევრი თამაში წავაგეთ. თუმცა, "ოლიმპთან" ბიჭები მობილიზებულები იყვნენ. ძალიან ბევრი შეცდომა გვქონდა დაცვაში, რომელთა გამოსწორებასაც შევეცდებით.

25 მარტი, ბათუმი

ბათუმი-დინამო 80:83
15:19, 21:27, 26:18, 18:19

ბათუმი: ჩილდრესი (14ქ), ქადარია (5ქ), სტეფანიშინი (12ქ), ტომარაძე (10ქ), თენიეშვილი (7ქ), კოლინზი (10ქ, 5მ), მაისურაძე, შემოსიუკი (3ქ), ანდრეიევიჩი (13ქ, 8მ, 3პ), მიქელაძე (6ქ, 5მ).
დინამო: ლი (12ქ, 5მ, 3პ), შარაბიძე (5ქ), ბოიდი (12ქ, 7მ, 4პ), გრძელიძე (7ქ, 4პ), ლონდარიძე (18ქ, 6მ), მაჩალაძე, ტურპინი (5ქ, 7მ), გოგოძე (14ქ).მიტროვიჩი (10ქ, 4პ).

"დინამო" პლეი ოფის მოახლოებასთან ერთად თამაშს კვლავ აუმჯობესებს. შეგახსენებთ, რომ ჩემპიონებმა სეზონი ეფექტურად დაიწყეს, თამაშს თამაშზე იგებდნენ, მაგრამ ზამთრის დადგომასთან ერთად და გუნდში განხორციელებულ საკადრო ცვლილებებთან ერთად სიტუაცია გაუარესდა და დინამოელებს წაგებები შემოერიათ.

შუა სეზონი არც "ბათუმისთვის" იყო მშვიდი. კარგად დაწყების შემდეგ მათი შედეგებიც გაუარესდა, თუმცა ზღვისპირელებს უბრუნდებიან ტრავმირებულები და რამდენიმე კარგი გამარჯვებაც მოიპოვეს.

ერთ-ერთი ასეთი "კაი" მოგება იქნებოდა ჩემპიონთან გამარჯვება, მაგრამ, როგორც სჩვევია, ირაკლი ხოშტარიას გუნდმა ბოლო წუთები მშვიდად ჩაატარა და რეგულარულ ეტაპზე მე-16 მოგება მოიპოვა.

გუნდი თ მ წ სხ ქ
1. ქუთაისი 24 18 6 2042/1832 42
2. დინამო 24 16 8 1980/1800 40
3. რუსთავი 24 16 8 1950/1845 40
4. კაკტუსი 24 14 10 1960/1933 38
5. ოლიმპი 24 13 11 1884/1820 37
6. ბათუმი 24 12 12 1833/1755 36
7. მგზავრები 24 10 14 1873/2001 34
8. მარნეული 24 8 16 1924/2056 32
9. სოხუმი 24 1 23 1801/2205 25

ყოველდღიური სპორტული გაზეთი "ლელო"
321
მკითხველის კომენტარები / 0 /
მსგავსი ამბები
რუბრიკის სხვა სიახლეები