'კაკტუსი' ქუთაისშიც იჩხვლიტება

"კაკტუსმა" კიდევ ერთხელ გაგვაოცა - ამჯერად ქუთაისში გაიმარჯვა. მარცხის მიუხედავად, "ქუთაისმა" პირველი ადგილი შეინარჩუნა და სადღეისოდ მდევრებს მხოლოდ 1 ქულით უსწრებს.

ქუთაისელებს 28 მატჩიდან 19 გამარჯვება აქვთ და პირველ ადგილზე არიან, ხოლო მომდევნო: მეორე, მესამე და მეოთხე ადგილებს, "დინამო", "რუსთავი" და "კაკტუსი" იყოფენ.

15 აპრილი, ქუთაისი
ქუთაისი-კაკტუსი 77:80
22:23, 28:18, 16:17, 11:22

ქუთაისი: გ. ბარბაქაძე (6ქ, 5მ), დვალიშვილი (11ქ), ბექაური (2ქ), ლი (22ქ, 7პ, 5მ), რაითი (17ქ, 5მ), მათიაშვილი (2ქ), წივწივაძე (9ქ, 4პ), ბაბუნაშვილი (8ქ), ლომოური, ცირეკიძე.

კაკტუსი: ამონაშვილი, ლომიძე (20ქ), ბოისა (2ქ), ტურძელაძე (11ქ), პარკსი (23ქ, 5მ, 5პ, 5ჩ), ლოლიშვილი (5ქ, 5მ), გოგალაძე (7ქ, 5პ), მიჩელი (12ქ, 8მ).

ქუთაისში გამართული მატჩი მეტად საინტერესო გამოდგა. გამარჯვებულის ბედი ბოლო წუთებზე გადაწყდა. ქულა-ქულაში მიმდინარე მატჩის მომენტში შედეგიანად ითამაშეს დეანდრე პარკსმა და დავით ლომიძემ, რომლის სამქულიანითაც "კაკტუსი" 80:77 დაწინაურდა და საბოლოოდ ამ ანგარიშითაც გაიმარჯვა. თბილისურ გუნდში კვლავ არ უთამაშიათ ტრავმირებულ ტერიკ ბრიჯმენს და სიჯეი ჯონსონს.

"კაკტუსს" 23 ქულითა და 5 პასით დეანდრე პარკსმა ულიდერა. 20 ქულა მოაგროვა დავით ლომიძემ. 12 ქულა და 8 მოხსნა დაგროვდა ჯონ მიჩელის ანგარიშზე. "ქუთაისში" 22 ქულით საუკეთესო იყო ჯონათან ლი. დეჟუან რაითმა შეხვედრა 7 ქულით დაამთავრა.

15 აპრილი, ბათუმი
ბათუმი-მგზავრები 75:74
14:19, 29:14, 20:19, 12:22

ბათუმი: ტომარაძე, შემოსიუკი (3ქ), კოლინზი (24ქ, 8მ), ანდრეიევიჩი (9ქ, 12მ), ჩილდრესი (12ქ, 6მ, 6პ), ყველაშვილი (2ქ), თენიეშვილი (3ქ), მიქელაძე (7ქ), სტეფანიშინი (15ქ, 12მ).

მგზავრები: ალხანაიძე (4ქ, 7მ), ქავთარაძე, ჯინჭარაძე (2ქ, 3პ), ნკალი (9ქ, 13მ), ბოუი (34ქ, 11მ, 3პ), დ. ბარბაქაძე (7ქ), ლომინაშვილი (3ქ), ფხაკაძე (2ქ), სტეფორდი (13ქ).

კიდევ უფრო დაძაბული მატჩი გაიმართა ბათუმში, სადაც აჭარულმა კლუბმა მინიმალური სხვაობით, 75:74 დაამარცხა "მგზავრები". მატჩის დასრულებამდე ორ-ნახევარი წუთით ადრე მასპინძლები 70:63 იგებდნენ და თითქოს მოგებაც განაღდებული ჰქონდათ, მაგრამ თბილისელებმა მოახერხეს და ჩამორჩენა ხომ აღმოფხვრეს, საფინალო სირენამდე 15 წამით ადრე ადრიან ბოუის ზუსტი გარღვევის შემდეგ 74:73 დაწინაურდნენ.

გადამწყვეტი ბურთი უკრაინელმა ლეონიდ სტეპანიშინმა ჩააგდო, რომელმაც მატჩის დასრულებამდე 9 წამით ადრე გამარჯვება მოუტანა ბათუმელებს - 75:74. ამით დასრულდა "მგზავრების" მოგებათა წარმატებული სერია, რომელმაც 6 მატჩამდე გასტანა.

14 აპრილი, თბილისი
მარნეული-ოლიმპი 86:78
21:21, 23:22, 21:13, 21:22

მარნეული: ნილი (26ქ, 6პ, 6მ), ვახანია (12ქ, 5პ), ელიაძე (6ქ), რეი (11ქ, 12მ, 3პ, 3ჩ), ლობჟანიძე (5ქ), ანთაძე (10ქ, 7მ), შვეცი (16ქ, 12მ, 3პ).
ოლიმპი: გივი ბაქრაძე (19ქ, 6პ), ბოლქვაძე (2ქ), როგავა (13ქ, 5მ, 3ჩ), გეგი ბაქრაძე, ბოქოლიშვილი (7ქ), ჭოჭუა (9ქ, 3პ), დარბაიძე (10ქ, 3პ, 8მ), ჰილი (18ქ, 11მ).

მარნეულელებმა წინა მატჩში, უფრო ზუსტად კი მისი დასრულების შემდეგ, დიდი დანაკლისი განიცადეს. "მგზავრებთან" თამაშში 2 ტექნიკურის გამო მოედნიდან გაძევებულმა ლევან ფაცაციამ არბიტრს დავით ბერეკაშვილს ფიზიკური შეურაცხყოფა მიაყენა და დისციპლინარების ვერდიქტით, მისთვის სეზონი დასრულებულია. მიუხედავად ასეთი დიდი დანაკლისისა, ქვემოქართლურმა გუნდმა, თანაბარი პირველი ტაიმის შემდეგ, მეორეში "ოლიმპს" აჯობა და საბოლოოდ 86:78 გაიმარჯვა.

ამ წაგებამ "ოლიმპი" ცხრილში "მგზავრებთან" გაათანაბრა: ორივე გუნდს 13 მოგების წილ 14 მარცხი აქვს და ცხრილში VI-VII ადგილებს იყოფენ. რაც შეეხება "მარნეულს", ქვემოქართლელებმა ამ მოგებით ხსენებულ წყვილთან ჩამორჩენა 3 ქულამდე შეამცირეს, თუმცა დარჩენილ 4 ტურში მათთვის სავარაუდოდ არაფერი არ შეიცვლება და რეგულარულ ჩემპიონატს მე-8 ადგილზე დაასრულებენ.

14 აპრილი, თბილისი
დინამო-სოხუმი 110:85
31:16, 27:23, 27:21, 25:25

დინამო: ლი (7ქ, 4პ), შარაბიძე (10ქ, 5პ), ბოიდი (14ქ, 4პ), გრძელიძე (12ქ, 3პ), ლონდარიძე (13ქ, 8მ, 4პ), ტურპინი (16ქ, 4ჩ), გ. რევაზაშვილი (6ქ, 6მ), გოგოძე (18ქ, 6პ), მიტროვიჩი (14ქ, 5პ).

სოხუმი: ათუაშვილი (11ქ, 9მ), ლ. რევაზაშვილი (26ქ), ყეინაშვილი (2ქ), ლ. ბულიავა (3ქ), პრიმაკი (15ქ, 14მ 7პ), ო. ბულიავა (10ქ), ზუზაძე (7ქ), ზურაბაშვილი (1ქ), მ. რევაზაშვილი (10ქ, 6მ).

წამყვანი ლეგიონერების გარეშე დარჩენილმა სოხუმელებმა მოქმედ ჩემპიონს წინააღმდეგობა ვერ გაუწიეს და შეხვედრა 85:110 დათმეს.

ერთბაშად შვიდმა დინამოელმა ათქულიანი ბარიერი დაძლია, რომელთაგან 18 ქულით საუკეთესო იყო ნოდარ გოგოძე. 16 ქულა კაელ ტურპინმა დააგროვა, ხოლო 14 – ლაველ ბოიდმა. "სოხუმში" 26 ქულით ლევან რევაზაშვილი გამოირჩა. 15 ქულა, 14 მოხსნა და 7 პასი სერგეი პრიმაკის ანგარიშზეა.

გუნდი თ მ წ სხ ქ
1. ქუთაისი 28 19 9 2341/2148 47
2. დინამო 28 18 10 2344/2154 46
3. რუსთავი 28 18 10 2279/2176 46
4. კაკტუსი 28 18 10 2310/2251 46
5. ბათუმი 29 16 13 2244/2109 45
6. მგზავრები 28 13 15 2225/2314 41
7. ოლიმპი 27 13 14 2105/2081 40
8. მარნეული 28 10 18 2275/2369 38
9. სოხუმი 28 1 27 2095/2616 29

ყოველდღიური სპორტული გაზეთი "ლელო"
227
მკითხველის კომენტარები / 0 /
მსგავსი ამბები
რუბრიკის სხვა სიახლეები