კალათბურთის 20-წლამდელთა ნაკრებმა სლოვენიაში საწვრთნელი შეკრება დაიწყო

საქართველოს 20-წლამდელთა ნაკრებმა შეკრება დაიწყო. ნაკრებს ჰყავს ახალი მთავარი მწვრთნელი, მილოშ გლიგორიევიჩი.

მისი ასისტენტები არიან ჯაბა ბაქრაძე და ირაკლი ძიძიგური. გლიგორიევიჩი უკვე მე-5 წელია, საქართველოს ეროვნულ ნაკრებში მთავარი მწვრთნელის ასისტენტია. ის იგორ კოკოშკოვთან მუშაობდა, 2016 წლიდან დღემდე კი ილიას ზუროსის სამწვრთნელო შტაბის წევრია.

საქართველოს 20-წლამდელთა ნაკრები ევროპის ჩემპიონატისთვის (B დივიზიონი) ემზადება, რომელიც 12-21 ივლისს პორტუგალიის ქალაქ პორტუში გაიმართება.

ევროპის ჩემპიონატის B დივიზიონში 21 გუნდია, რომლებიც 4 ჯგუფში არიან განაწილებულნი. საქართველო 6-გუნდიან, C ჯგუფში მოხვდა შვედეთთან, ჰოლანდიასთან, ესტონეთთან, კოსოვოსა და სომხეთთან ერთად. თითო ჯგუფიდან პლეი ოფში 2 საუკეთესო გადის და აგრძელებს ბრძოლას ტურნირის სამეულში მოსახვედრად. გათამაშების ფორმატის თანახმად, B დივიზიონის საუკეთესო 3 გუნდი შემდეგი, 2021 წელს ელიტარულ, A დივიზიონში იასპარეზებს.

საქართველოს ნაკრები ოფიციალურ მატჩებამდე სამწვთნელო შეკრებებს გაივლის სლოვენიასა და უკრაინაში, სადაც ჯამში 5 სპარინგ მატჩს გამართავს:

მილოშ გლიგორიევიჩის გაწვრთნილი გუნდი 14 ივნისს სლოვენიის 20-წლამდელთა ნაკრებს, ხოლო 16-ში 18-წლამდელებს დაუპირისპირდება. სლოვენიაში ჩვენი ნაკრები პოდჩეტრტეკში, სასტუმრო „ტერმე ოლიმიაში“ დაბანაკდა, სადაც წლების მანძილზე, ზაფხულობით, შეკრებას საქართველოს ეროვნული ნაკრები გადიოდა.

სლოვენიიდან საქართველოს 20-წლამდელთა ნაკრები უკრაინაში გაემგზავრება, სადაც დედაქალაქ კიევში 3 საკონტროლო მატჩს გამართავს. 20 ივნისს უკრაინის 18-წლამდელთა ნაკრებთან, 21 ივნისს სლოვაკეთის U20-თან, ხოლო 22-ში უკრაინის 20-წლამდელთა ნაკრებთან.

საქართველოს ახალგაზრდული ნაკრები

მოთამაშე ამპლუა გუნდი (2018/19)

დავით კაკუშაძე ფორვარდი ბრიუსტერ აკადემი (აშშ)
რატი ანდრონიკაშვილი უკანახაზელი ბურგოსი (ესპანეთი)
ზაურ ჯანელიძე ფორვარდი ტიტები
ზურაბ ჟღენტი ცენტრი დინამო
ბერდია ქავთარაძე უკანახაზელი ზაზას აკადემია
ამირან ხაზალია უკანახაზელი სკოტლანდ კამპუსი (აშშ)
ვახტანგ გაფრინდაშვილი ფორვარდი დელტა
ცოტნე ცარციძე ცენტრი მოდესტო (აშშ)
აკაკი ფიფია ფორვარდი თსუ-ჰიუნდაი
ლუკა კალატოზიშვილი ცენტრი ბათუმი
ლუკა მაზიაშვილი უკანახაზელი ოლიმპი
ნიკოლოზ მეცხვარიშვილი ფორვარდი კავკასია
ივანე მეგენეიშვილი ფორვარდი დელტა
ტარიელ არაბული ცენტრი რუსთავი

ყოველდღიური სპორტული გაზეთი "ლელო"
301
მკითხველის კომენტარები / 0 /
მსგავსი ამბები
რუბრიკის სხვა სიახლეები
;