კალათბურთი. ბეჟანიშვილი და მამუკელაშვილი იტალიაში

NCAA-ის ილინოისის უნივერსიტეტმა იტალიური ტურნე რომში დაასრულა - ბოლო, მე-4 მატჩში ამერიკელებმა ჰოლანდიის B ნაკრებთან წააგეს - 72:82.

"ილინოისი" ბოლო მეოთხედში გამოცოცხლდა, მაგრამ ვერ ამოქაჩა - წაგებულთა რიგებში გიორგი ბეჟანიშვილმა 30 წუთში 10 ქულას 5 მოხსნაც დაუმატა, თუმცა ბურთი 5-ჯერ დაკარგა. წინა თამაშებში ქართველი ცენტრი გაცილებით პროდუქტიული იყო - შესაბამისად, 18, 11 და 20 ქულა ჩააგდო.

ტურნეს ბოლო სამ დღეს ილინოისის უნივერსიტეტის კალათბურთელები რომისა და ვატიკანის დათვალიერებაში ატარებენ, შემდეგ კი ამერიკას დაუბრუნდებიან.

სხვათა შორის, იტალიაშია სანდრო მამუკელაშვილის "სეტონ ჰოლიც", რომელმაც ორი მატჩი გამართა და ორივე მოიგო. ქართველი კალათბურთელი, როგორც იტალიურის მცოდნე, თანაგუნდელებისთვის თარჯიმნის ფუნქციასაც ითავსებს. "სეტონ ჰოლის" ტვიტერზე ის კალათბურთის ფანებს იტალიურად მიესალმა.

1058
მკითხველის კომენტარები / 0 /
მსგავსი ამბები
რუბრიკის სხვა სიახლეები
;