[კალათბურთი] გასოლი მეხუთე ოლიმპიადას უმიზნებს

ლეგენდარული ესპანელი კალათბურთელი პაუ გასოლი ემზადება ტოკიოს ოლიმპიადაზე გამოსასვლელად. ამის შესახებ 39 წლის მოთამაშემ ერთ-ერთ რადიოინტერვიუში გამოაცხადა.

„ლოს ანჯელეს ლეიკერსის“ რიგებში NBA-ის ორგზის ჩემპიონმა 2019 წლის მარტში „მილუოკისთან“ გააფორმა კონტრაქტი. მან ამ გუნდში სამი მატჩი ჩაატარა, რის შემდეგაც, ფეხის მძიმე ტრავმის გამო სეზონის ბოლომდე ვერ შეძლო თამაში. მაისში მან ოპერაცია გადაიტანა.

გასული წლის ივლისში, ესპანელმა კონტრაქტი დადო „პორტლენდთან“, მაგრამ ამ გუნდში ერთი მატჩიც არ ჩაუტარებია და 20 ნოემბერს გამოეთხოვა მას. იქედან მოყოლებული, გასოლი უმუშევრად რჩება.

იმავე რადიოინტერვიუში პაუმ არ გამორიცხა NBA-ში დაბრუნება.

იმ შემთხვევაში, თუ პაუ გასოლი ესპანეთის ნაკრებში ტოკიოს ოლიმპიადაზე ითამაშებს, ეს იქნება მის კარიერში მეხუთე თამაშბი. ვეტერან ცენტრს სამი ოლიმპიური მედალი აქვს - ორი ვერცხლი და ერთი ბრინჯაო.

350
მკითხველის კომენტარები / 0 /
მსგავსი ამბები
რუბრიკის სხვა სიახლეები
;