[კალათბურთი]. ვინგსის 6-დან 6 მოგება

წარმატებით მოიარა ბალტიის ლიგის მეორე წრე კლუბ „ვინგსის“ 14-წლამდელთა გუნდმა. შეგახსენებთ, რომ ქართულ კალათბურთში ბოლო დროს დამკვიდრებული სასიამოვნო პრაქტიკით კლუბები საერთაშორისო ტურნირებში მონაწილეობენ.

ნიკა ბურჯანაძის გაწვრთნილმა გუნდმა ბალტიის ლიგის პირველი წრე ნოემბერში ჩაატარა, როცა 5-დან 4 მატჩი მოიგო. ვინგსელებმა ამჯერად მეორე წრის ფარგლებში 13, 14 და 15 დეკემბერს 6 მატჩი გამართეს და ყველაში გაიმარჯვეს. 2 წრის შემდეგ 11 მატჩიდან 10 გამარჯვებით „ვინგსი“ 16-გუნდიანი ჯგუფის ერთ-ერთი ლიდერია.

ლატვიის დედაქალაქ რიგაში გამართული ბალტიის ლიგის მეორე წრეში „ვინგსის“ შემდეგები:

ვინგსი-ჩერკასკი მავპი (უკრაინა) 55:30

ვინგსი-ტალსი (ლატვია) 58:52

ვინგსი-შაულიაი (ლიტვა) 35:32

ვინგსი-ადმირალსი (მოლდოვა) 48:43

ვინგსი-ცენტრალნაია (რუსეთი) 50:41

მეორე წრის მატჩებში „ვინგსს“ საშუალოდ 11.3 ქულითა და 13.8 მოხსნით გოგა გოცაძემ ულიდერა. მატჩში საშუალოდ 9.6 ქულა ჰქონდა ანდრია მუჯირს. გუნდის დანარჩენი წევრები გახლდნენ: კახა ლომიძე, ნიკოლოზ გურგენიძე, თემურ კაპანაძე, გიორგი ქურდიანი, დაჩი ქართველიშვილი, გიგა ხარშილაძე, საბა თავხელიძე, მერაბ დალალიშვილი, ლუკა ბახტაძე.

„ვინგსი“ ბალტიის ლიგის მესამე წრეს 2020 წლის დასაწყისში გამართავს, რის შემდეგაც, დიდი ალბათობით, პლეი ოფში გავა და საპრიზო ადგილებისთვის ბრძოლის საშუალება მიეცემა.

305
მკითხველის კომენტარები / 0 /
მსგავსი ამბები
რუბრიკის სხვა სიახლეები
;