კალათბურთი. ილიას ზუროსი: შეთამაშებისთვის ცოტა დრო გვქონდა

საქართველოს ნაკრების მთავარმა მწვრთნელმა ილიას ზუროსმა გუნდის სადღეისო მდგომარეობასა და პრობლემებზე ილაპარაკა.

- ყოველი ფანჯრისას განსხვავებულად მზადება გვიწევს. წინა ჯერზე, ივნის-ივლისის მატჩებისას, გუნდი დროულად შეიკრიბა და ერთად საკმარისად ვივარჯიშეთ. ჩვენდა სამწუხაროდ, ამჯერად საპირისპირო მდგომარეობაა. კალათბურთელების დროულად შეკრება ვერ მოხერხდა, რამდენიმე ლიდერი გვიან ჩამოვიდა, რაც, ცხადია, გუნდურ თამაშზე აისახება.

- ამის მიუხედავად, როგორც ყოველთვის, საქართველოს ნაკრები ბოლომდე იბრძოლებს და შეეცდება მაქსიმუმის მიღებას ყოველი მატჩიდან. ჩემთვის ბევრს ნიშნავს, რომ კალათბურთელები თითოეულ თამაშში ბოლომდე იხარჯებიან, თავგანწირვით იბრძვიან.

- გვყავს ახალი ნატურალიზებული - მეტ ჯენინგი კარგი მტყორცნელია. ეს დიდი პლუსია. მაგრამ შეთამაშებას დიდი მნიშვნელობა აქვს.

- თუ ერთი კვირა მაინც არ იმუშავე გუნდთან, თუ თანაგუნდელები კარგად არ გაიცანი, თუ არ გაიგე, რა გევალება მოედანზე, ძალიან ძნელია შედეგის ჩვენება. რა თქმა უნდა, გვყავს ძალიან ნიჭიერი ამერიკელი კალათბურთელი. მისგან ბევრს ველით, მაგრამ გავიმეორებ - კალათბურთი გუნდური სპორტია...

კალათბურთელთა ნაკრები ისრაელში ჩაფრინდა

834
მკითხველის კომენტარები / 0 /
მსგავსი ამბები
რუბრიკის სხვა სიახლეები