[კარიკატურა] ისრაელი-საქართველო. გოგა ბითაძის ეფექტი... მხოლოდ დაფარება?!

საქართველოს ნაკრებმა ისრაელში ფასეული გამრჯვება მოიპოვა - 85:80.

ამ მატჩში თორნიკე შენგელიამ კვლავ გვიჩვენა თავისი ექსტრა-კლასი... სასიამოვნო თაბეჭდილება დატოვა ახალწვეულმა მეტ ჯენინგმა... მოკლედ, დავინახეთ კარგი საქრთველოს ნაკრები, მაგრამ უფრო უკეთ მომავალი დავინახეთ:

მწვრთნელმა ილის ზუროსმა მატჩის გადამწყვეტ მომენტში გიორგი შერმადინის ნაცვლად 20 წლის გოგა ბითაძე დააყენა და თავისი გადაწყვეტილება ასე ახსნა:

- დაცვაში, მეტოქის პიკ-ენდ-როლების დროს რომ გიჭირს, მნიშვნელოვანია მოძრავი ცენტრი, რომელსაც დაფარება კარგად ეხერხება. გოგა პირველ ტაიმში დაფარებებში გამორჩეული იყო და ამიტომაც დავტოვეთ მეოთხე პერიოდის ბოლომდე მოედანზე. თუმცაღა, კარგად იცით, როგორ ვაფასებ და რას ნიშნავს გუნდისთვის გიორგი შერმადინი. ჩვენი მთავარი ამოცანა სწორედ პიკ-ენდ-როლების შეჩერება იყო, რაც მეოთხე პერიოდში მეტ-ნაკლებად კარგად მოვახერხეთ.

მართლაც, ერთი-ორი დაფარების შემდეგ, გოგასთან ფარქვეშ მდგომი ებრაელები ტყორცნას ვეღარ ბედავდნენ. ბითაძე ხომ თავისი გრძელი ხელებით მასპინძლებს შანსს არ უტოვებდა.

თუმცა მხოლოდ ოთხი დაფარება (ოფიციალურად ასე წერია, თუმცა ჩვენ უფრო მეტი დავთვალეთ) როდი იყო მისი პლუსი: 13 ქულა, 9 მოხსნა, 2 პასი, 1 ჩაჭრა, მარგი ქმედება +21.

1449
მკითხველის კომენტარები / 0 /
მსგავსი ამბები
რუბრიკის სხვა სიახლეები