[კარიკატურა] ყაზაიშვილის გიგანტური სლალომი

მარადონას გოლები ინგლისისა და ბელგიის კარში გახსოვთ? თუმცა, ამას რა კითხვა უნდა!

1994 წლის მსოფლიოს ჩემპიონატის მერვედფინალში ალ ოვაირანის გოლი თუ გაგონდებათ? მე მახსოვს - ბურთი საკუთარი საჯარიმოს მისადგომებიდან წაიღო, მთელი ბელგია მოატყუა და პრიუდომს გაუტანა.

სიმართლე რომ გითხრათ, ის მატჩი სწორედ ეფექტური გოლით დამამახსოვრდა, გონებაში ანგარიშიც კი აღარ ტივტივებს. გავა დრო და საქართველო-ესტონეთიც გოლით გაგვახსენდება... მერე რა, რომ ამხანაგური მატჩი იყო, სწორედ გოლით დაგვამახსოვრდება...

ვაკო ყაზაიშვილის გოლით: ბურთი მოედნის ცენტრში რომ მიიღო, გიგანტური სლალომის მოთხილამურესავით ესტონეთის საჯარიმოსთან ჩასრიალდა და ეფექტური დარტყმით ბურთი მეერიტსის კარში შეასრიალა.

⇒ნამდვილი ქართული გოლი-შედევრი ვაკო ყაზაიშვილის შესრულებით [VIDEO]

2617
მკითხველის კომენტარები / 0 /
მსგავსი ამბები
რუბრიკის სხვა სიახლეები
;