კახა კალაძე უკრაინაში ყველა დროის საუკეთესოებს შორის დაასახელეს

უკრაინულმა გამოცემა sport.ua-მ ქვეყნის ჩემპიონატში საუკეთესო მოთამაშეები პოზიციების მიხედვით შეარჩია. ამჯერად, უკრაინის ჩემპიონატის ყველა დროის TOP 10 მარცხენა მცველი დაასახელეს. მათ შორის, მე-7 ადგილზე მოხვდა კახა კალაძე, რომელიც 1998-2000 წლებში კიევის "დინამოში" თამაშობდა და გუნდის ერთ-ერთი საკვანძო მოთამაშეც გახლდათ.

ვალერ ლობანოვსკის კიევის "დინამო" უკრაინის დამოუკიდებლობის პერიოდის საუკეთესო გუნდია, რომელმაც ჩემპიონთა ლიგის მეოთხედფინალამდე გააღწია. ამის მიუხედავად, უკრაინულმა გამოცემამ "ჯვაროსნების" ყოფილი კაპიტანი მხოლოდ მე-7 ადგილზე დაასახელა. ეს sport.ua-მ ასე ახსნა: მან კიევის "დინამოში" მხოლოდ 71 მატჩი (6 გოლი) ჩაატარა რაც კონკურენტების შედეგებზე დაბალი მაჩვენებელია.

"ამ რეიტინგში კახა გაცილებით მაღალ ადგილზე იქნებოდა, კიევის "დინამოში" უფრო მეტი მატჩი რომ ჩაეტარებინა. უნივერსალურმა მცველმა საუკეთესო წლები გაატარა "მილანში", სადაც ორჯერ მოიგო ჩემპიონთა ლიგა. კალაძე მიიწვიეს უკრაინის დედაქალაქში, როგორც ცენტრალური მცველი. მაგრამ ძალიან სწრაფად მარცხენაფლანგელად გადაკვალიფიცირდა. გარდა ამისა, მას საყრდენი ნახევარმცველის პოზიციაზეც უთამაშია. მაღალი, ძლიერი, სწრაფი, შესანიშნავი დარტყმით და მოედნის ხედვით - თითქმის იდეალური მცველი. სამწუხაროა, რომ "დინამოდან" "მილანში" ნაადრევად წავიდა. კარიერის დასრულების შემდეგ, კალაძე პოლიტიკაში წავიდა. ახლა ის თბილისის მერია", - წერს sport.ua.

1033
მკითხველის კომენტარები / 0 /
მსგავსი ამბები
რუბრიკის სხვა სიახლეები
;