კახა შენგელია და შიო ხეცურიანი გაერთიანდნენ

11 დეკემბერს დაგეგმილ კალათბურთის ფედერაციის საპრეზიდენტო არჩევნებში მონაწილეობას ორი კანდიდატი მიიღებს. აქამდე პრეტენდენტი სამი იყო: შიო ხეცურიანი, პაატა გურასპაული და კახა შენგელია. დღეს კახა შენგელიამ და შიო ხეცურიანმა პრესკონფერენციაზე გაერთიანების შესახებ განაცხადეს. 

"მე არ ვაკეთებ არჩევანს ცუდსა და უარესს შორისს. მე ვაკეთებ არჩევანს უეკთესობისკენ. გავეცანი შიოს პროგრამას და ვთვლი, რომ ეს არის კარგი ქართული კალათბურთისთვის. კალათბურთი არის გადასარჩენი. ჩვენი გაერთიანებით, გაერთიანდება ჩვენი ელექტორატი.

ეს გადადგმული ნაბიჯი მიმაჩნია სასიკეთოდ. დღეიდან მე მოვიაზრები შიოს გუნდის წევრად. ფედერაციას აქვს მორგებული ყველაფერი თავის თავზე. ჩვენ გავერთიანდით, ნაკრების მოთამაშეები ჩვენს მხარეს არიან და მინდა, რომ ყველაფერი სასიკეთოდ შეიცვალოს", - ამბობს კახა შენგელია.

შიო ხეცურიანი: "მადლობა, კახა შენგელიას ამ გადაწყვეტილებისთვის. დღეიდან, ერთიანი ძალებით ვეცდებით დავასრულოთ ის უსამართლობა რაც კალათბურთის ფედერაციაში ხდება და დავამარცხოთ კალათბურთის ფედერაციის მმართველი ჯგუფის წარმომადგენელი პაატა გურასპაული.

კიდევ ერთხელ ვაცხადებ, რომ ის ნდობა, რომელსაც მე მიცხადებენ ეს ადამიანები, არის ჩემთვის დიდი სიხარულიც და ამავდროულად, პასუხისმგებლობაც".

1446
მკითხველის კომენტარები / 0 /
მსგავსი ამბები
რუბრიკის სხვა სიახლეები
;