კახა ცხადაძე ყაზახურ ორდაბასს გაწვრთნის

საქართველოს ეროვნული ნაკრების ყოფილი მთავარი მწვრთნელის, კახა ცხადაძის დანიშვნა ყაზახურ "ორდაბასიში" გადაწყვეტილი ამბავია.

ჩვენი ინფორმაციით, ცხადაძე უკვე ყაზახეთშია და ყველა საკონტრაქტო საკითხი მოგვარებულია.
შეგახსენებთ, რომ ცხადაძეს უკვე აქვს ყაზახეთში მუშაობის გამოცდილება. ის ალმათის "ქაირათს" მოძღვრავდა და მისი მუშაობა ყაზახეთის ყველაზე ტიტულიანი გუნდის მთავარი მწვრთნელის პოსტზე წარმატებულიც გახლდათ.

რაც შეეხება "ორდაბასის", ყაზახეთის ჩემპიონატში ჩატარებული 13 ტურის შემდეგ გუნდს 19 ქულა აქვს და სატურნირო ცხრილში მეექვსე ადგილზეა. ორიოდე დღის წინ შიმკენტური კლუბის ხელმძღვანელობამ ბულგარელ მწვრთნელთან, გეორგი დერმენჯიევთან განშორების გადაწყვეტილება მიიღო.

"ორდაბასიში" თამაშობს საქართველოს ეროვნული ნაკრების წევრი ჯაბა ჯიღაური. ასევე ყაზახეთის ეროვნულ ნაკრებში არაერთი შეხვედრის ჩამტარებელი მეკარე დავით ლორია.

როგორც შევიტყვეთ, გადაწყვეტილი ამბავია ისიც, რომ ცხადაძეს გუნდის გაწვრთნაში გიორგი ჩიხრაძე დაეხმარება. ჩიხრაზე და ცხადაძე ერთად მუშაობდნენ ბაქოს "ინტერში", საქართველოს ნაკრებსა და "ქაირათში".

239
მკითხველის კომენტარები / 0 /
რუბრიკის სხვა სიახლეები