კენჭისყრა იყო და ლოდები დაგვეცა. საქართველოს ახალგაზრდული ნაკრების მეტოქეები ცნობილია

საფრანგეთი, სლოვაკეთი, შვეიცარია, აზერბაიჯანი და ლიხტენშტაინი - საქართველოს ახალგაზრდული ნაკრები ევროპის ჩემპიონატის შესარჩევ ციკლში ძალიან რთულ ჯგუფში მოხვდა. მეოთხე კალათაში ვიყავით და იოლი ჯგუფის მოლოდინი არც გვქონდა, მაგრამ არც ასეთის? საფრანგეთის ძალაზე რა ვთქვათ, შვეიცარიასა და სლოვაკეთს მუდამ ძლიერი გუნდები ჰყავთ ამ ასაკში.

ევროპის ჩემპიონატზე ითამაშებენ ჯგუფების გამარჯვებულები. 9 ნაკრებს დაემატება ორ საუკეთესო მეორეადგილოსანს შორის პლეი - ოფში გამარჯვებული ნაკრები. საქართველოს ახალგაზრდულ ნაკრებს გია ცეცაძე თავკაცობს. შესარჩევ ციკლს გაისად მარტში დავიწყებთ და 2020 წლის ოქტომბერში დავასრულებთ.

1527
მკითხველის კომენტარები / 0 /
მსგავსი ამბები
რუბრიკის სხვა სიახლეები
;