კვარაცხელიას საფეხბურთო თავხედობა, ანუ რატომ ჩქმალავს რუსული მედია ახალგაზრდა ქართველით ესპანურის კლუბის დაინტერესებას?

ბელარუსთან ერთა ლიგის ნახევარფინალი სულ უფრო გვიახლოვდება, ოთხი თვც აღარ დარჩა... ყველა ინტერესით ვადევნებთ თვალს იმ მოთამაშეებს, რომელთა იმდიც უნდა გვქონდეს. ერთი მათგანი უდავოდ ხვიჩა კვარაცხელია, რომელმაც სეზონის განახლებთან ერთად აშკარად მოუმატა...

ჯერ ესპანეთი და მერე რუსეთი

საერთოდ, ყველა ქვეყანა საკუთარი ფეხბურთის "პიარს" ცდილობს და ინფორმაციის მიწოდებაც ამ კუთხით ხდება. რუსული მედია ამას კარგად აკეთებს და მოსახლეობას უმტკიცებს, რომ, მაგალითად, ადგილობრივი მასშტაბის თავდამსხმელი არტიომ ძიუბა ევროპული გრანდების ინტერესს იწვევს...

მოსკოვის ცსკა-სა და ყაზანის "რუბინის" მატჩის მთავარი ფიგურა ხვიჩა კვარაცხელია იყო, რომლის მიერ 85-ე წუთზე მოპოვებულმა პენალტმა ყაზანელებს ქულა მოუტანა და ლიგაში ადგილი შეუნარჩუნა, ცსკა-ს კი ჩემპიონთა ლიგაზე მოხვედრის შანსი, ფაქტობრივად, მოუკლა. თუმცა, ერთ-ერთმა გამოცემამ სათაურად მაინც ასე დაწერა - "ჩალოვმა ისევ გაიტანა".

ნუ გვიკვირს, მათი პრიორიტეტი ცსკა-ს ახალგაზრდა ფორვარდი ფიოდორ ჩალოვია, ჩვენი კი ჩვენსაზე ვიფიქროთ - ახალგაზრდა შემტევ კვარაცხელიასა და სხვა ქართველებზე.

გავრცელდა ინფორმაცია ხვიჩას შესაძლო ტრანსფერზე. მიმდინარე სეზონში მან რუსეთის პრემიერლიგაში 25 მატჩი ითამაშა, გაიტანა 3 გოლი და გააკეთა 3 საგოლე გადაცემა. რაც მთავარია, ამან დიდი რეზონანსი გამოიწვია, მაგრამ... ნახეთ, როგორ მოგვაწოდა რუსულმა მედიამ შესაძლო ტრანსფერის ამბავი:

"ზაფხულის სატრანსფერო "ფანჯრის" დროს, რუსეთის პრემიერლიგის ერთ-ერთი ლიდერი "კრასნოდარი" შეეცდება, ყაზანის "რუბინიდან" 19 წლის ქართველი ფეხბურთელი დაიმატოს. "კრასნოდარი" მას 2019 წლის შეკრებაზე აკვირდებოდა. მაგრამ კლუბის ხელმძღვანელობამ ჩათვალა, რომ ის არ ღირდა იმ ფულად, რამდენსაც "რუბინი" ითხოვდა. მას შემდეგ კვარაცხელიას ფასი მნიშვნელოვნად გაიზარდა", - წერს ტელეკომპანია Match TV-ის ვებგვერდი.

საინტერესო კი ის არის, რომ ამ მეორეხარისხოვან ამბავს (ანუ კვარაცხელიათი "კრასნოდარის" დაინტერესებას) გვასაღებენ მთავარ ამბად, ხოლო რაც ჩვენთვის უმნიშვნელოვანესი და სასიხარულოა - ნაკლებ მნიშვნელოვნად. არადა, ლაპარაკია იმაზე, რომ კვარაცხელიათი ესპანური კლუბი დაინტერესდა:

"ყაზანის "რუბინის" მთავარი მწვრთნელი ლეონიდ სლუცკი დაინტერესებულია, ხვიჩა კვარაცხელია გუნდში დარჩეს, მაგრამ ყველაფერი დამოკიდებული იქნება იმ თანხაზე, რომელსა "კრასნოდარი" მოთამაშის საფასურად "რუბინს" შესთავაზებს. არც ისაა გამორიცხული, რომ ქართველმა შემტევმა კარიერა ესპანეთში გააგრძელოს".

აბა, გულზე ხელი დაიდეთ და თქვით, სად უფრო გაგიხარდებათ კვარაცხელიას ხილვა - ესპანეთში თუ რუსეთში? თუმცა, ეს არ ნიშნავს, რომ რუსეთში დარჩენის შემთხვევაში, თორნიკე შენგელიასავით ჩავქოლოთ - ეს მეტისმეტი ქაჯობა იქნებოდა!..

ტურის სიმბოლურში

championat.com-ის ექსპერტმა, ცნობილმა სპეციალისტმა ვალერი გაზაევმა ხვიჩა კვარაცხელია რუსეთის პრემიერლიგის 28-ე ტურის სიმბოლურ ნაკრებში დაასახელა.

ყაზანის "რუბინისა" და საქართველოს ნაკრების თავდამსხმელმა რაც მოსკოვის ცსკა-სთან გააკეთა, კარგად იცით და ამაზე აღარ შევჩერდებით. ჯობია, გაზაევს მოვუსმინოთ:

"კვარაცხელია იყო "რუბინის" მთავარი ფიგურა ცსკა- წინააღმდეგ. მუდმივად ცდილობდა ვითარების გამწვავებას, აკეთებდა ჭკვიანურ პასებს და მეტოქეს სისწრაფეში სჯობდა. ხვიჩამ მოიპოვა პენალტი, რომლითაც ყაზანელებმა ანგარიში გაათანაბრეს".

ქართველი გამოარჩია კიდევ ერთმა ცნობილმა ვეტერანმა, ალექსანდრ ბუბნოვმა, რომელმაც "სპორტბოქსში" დაწერა:

"ყაზანის "რუბინი" კარგ შთაბეჭდილებას ტოვებს, ამ გუნდის თამაში უმჯობესდება, თავად "რუბინიც" სტაბილურად ვითარდება. კვარაცხელია ამ მატჩის საუკეთესო ფეხბურთელი იყო და მისგან შემდგომში კიდევ უფრო მეტ პროგრესია მოსალოდნელი".

ხვიჩა კვარაცხელია კონსტანტინ მარადიშვილის წინააღმდეგ


მათ შორის, ვინც კვარაცხელია აქო, ცნობილ კომენტატორსა და ბლოგერს ვასილი უტკინს დავასახელებთ, რომლის მოსაწონიც რუსეთში ბევრი არაფერია. ცსკა-ს კარში დანიშნული პენალტის შემდეგ მან კვარაცხელია ასე დაახასიათა:

"თქვენ შეგიძლიათ, ილაპარაკოთ იმაზე, რომ ცსკა-მ "რუბინთან" თამაში ვერ მოიგო, მაგრამ დიდ ბოდიში! რატომ იყიდა "რუბინმა" ხვიჩ კვარაცხელია? რომ მან შედეგი მოიტანოს და გაიზარდოს! შეხედეთ: მან "ურალს" "მაკრატელათი" გიჟური გოლი გაუტანა, ცსკა-სთან კი ბოლოს მეტოქე ბრწყინვალე ფინტით ჩამოიშორა და პენალტი დაიმსახურა", - ეს უტკინმა რადიო "ეხო მოსკვის" ეთერში განაცხადა.

საინტერესოა, რომ ბოლო ტურში კვარაცხელიას მიერ მოპოვებული პენალტი ამ სეზონში "რუბინის" სასარგებლოდ დანიშნული პირველი 11-მეტრიანი აღმოჩნდა!..

როდესაც თავხედობა ბედნიერებაა...

ზემოთ "სპორტბოქსი" ვახსენეთ და ამ გამოცემამ ახალგაზრდა ქართველის თამაშს სპეციალური წერილი მიუძღვნა, სათაურით - "ხვიჩა კვარაცხელია - კომპლექსების გარეშე".

"რუბინში" ცსკა-სთან მატჩში საუკეთესო 19 წლის ქართველი შემტევი ნახევარმცველი იყო და უნდა ვიფიქროთ, რომ ამას არავინ გაუკვირვებია. კლუბების სატრანსფერო პოლიტიკას ფული განსაზღვრავს. თუ ამ კუთხით არანაირი პრობლემა არ არის, შეგიძლიათ ვარსკვლავი შეიძინოთ. და თუ ანგარიშები ცარიელია - თქვენ არსებული შესაძლებლობებით უნდა ისარგებლოთ, ან ფეხბურთის "სამომხმარებლო კალათით". თუმცა, ჩვენს ჩემპიონატში კანონზომიერება არ არის. ზოგჯერ დაუსაბუთებელი თანხები გამოიყოფა ვეტერანებისთვის, ხოლო ნიჭიერ ახალგაზრდებს უგულებელყოფენ - მათი გაზრდა არავის სურს...

მაგალითად, "ლოკომოტივის" ხელმძღვანელობამ იჯარით აყვანილი კვარაცხელიას დატოვება არ ისურვა, რასაც დაჟინებით ითხოვდა იური სიომინი - მწვრთნელი, რომელმაც ქართველ ლეგიონერში გუნდის მომავალი დაინახა. ეს გამოიყენა "რუბინმა", რომელიც, დარწმუნებული ვარ, არ ნანობს. 19 წლის ვუნდერკინდი ასაკისთვის უჩვეულო თამაშს აჩვენებს. არმიის გუნდთან შეხვედრისას გაიბრწყინა არა მხოლოდ შესანიშნავი ტექნიკითა და პოზიტიური განათლებით, არამედ თანატოლებისთვის არადამახასიათებელი დისციპლინითაც.

არადა, იოლი დავალება არ ჰქონდა. მის წინააღმდეგ მარიო ფერნანდესი თამაშობდა და ყველამ იცის, როგორია არმიელი დაცვასა და თავდასხმაში. ხვიჩა მას აკავებდა, შეტევებშიც რეგულარულად ერთვებოდა და ასრულებდა იმას, რაც მოსწონდა. ამისთვის საჭირო თვისებები კი მომადლებულ აქვს. მაგალითად, ბურთის ფლობა - ტექნიკურ კვარაცხელიას ამ კომპონენტთან დაკავშირებით პრობლემებ არ აქვს. ბურთის დასამორჩილებლად ავტომატიზმამდე დაყვანილი მინიმალური მოძრაობ სჭირდება, რის შემდეგაც შეტევას დრიბლინგით იწყებს...

მაგალითად, 22-ე წუთზე, ხვიჩა აუტის ხაზთან სამ მცველს შორის მოექცა და ყველა ერთბაშად გასცდა. ორიოდე წუთში ართმევებით ცნობილი ფერნანდესი ჩამოშორა იოლად. ასეთები კიდევ გააკეთა. ამ ყველაფერს კი ქართველი მსუბუქად და ერთი ამოსუნთქვით ისე ასრულებდა, თითქოს ლეკურს ცეკვავდა.

რაც კიდევ უფრო მეტ ყურადღებას იპყრობს, ამ ახალგაზრდ"საფეხბურთო თავხედობაა", რაც მისი როლის ფეხბურთელისთვის მეორე ბედნიერებაა. ჩანს, რომ ბიჭი აბსოლუტურად კომპლექსების გარეშეა, საკუთარ სიძლიერეში ეჭვი არ ეპარება და მოწინააღმდეგეების ავტორიტეტს არ ცნობს. ამის გამო, მეტოქეებთან დაუნდობელი დამოკიდებულება უჩნდება.

მაგალითად, მეორე ტაიმში ერთი შეხედვით შეუძლებელიც კი მოახერხა - ჩვეულებრივად გაწონასწორებული მარიო ფერნანდესიც კი მწყობრიდან გამოიყვანა. 59-ე წუთზე, ორთაბრძოლაში ბურთი აართვა, ხოლო მატჩის მიწურულს აიძულა, ეუხეშა, რის შედეგადაც ცსკა-ს ბრაზილიელმა ყვითელი ბარათი მიიღო. ლეგიონერის თავხედობამ პენალტიც გამოიმუშავა", - წერს "სპორტბოქსი".

10591
მკითხველის კომენტარები / 2 /
ანნა
0
კარგი მაგალითია ფედორ სმოლოვი, რომელიც რუსებმა მესის და რონალდოს დონედ მოიხსენიებდა და აპიარებდნენ მსოფლიო ჩემპიონატის წინ. ჩემპიონატზე კი საერთოდ ვერ ითამაშა...ისედაც არასოდეს თამაშობდა ნორმალურად.
ილია
0
რუსეთს,როგორც იმპერიას და მის სპორტულ საზოგადოებას აქვს ჩამოყალიბებული დამოკიდებულება ქართული სახელმწიფოს და მისი სპორტცმენების მიმართ.ჩვენ კი ვერ გვაქ, და ბოლოს ვწუწუნებთ.
მსგავსი ამბები
რუბრიკის სხვა სიახლეები
;