კვიპროსი გაჩერდა, მაგრამ ქეცბაია არ ჩერდება!..

21 მარტს კვიპროსში მნიშვნელოვანი მატჩი უნდა გამართულიყო - ჩემპიონატის ლიდერ "ანორთოსისს" კონკურენტი ნიქოზიის "ომონია" უნდა მიეღო. მაგრამ I დივიზიონის ეს ტური გადაიდო - კუნძულზე საგანგებო მდგომარეობა გამოცხადდა კორონავირუსის მზარდი საფრთხის გამო.

გამოცემა "ფილნიუსი" წერს, რომ თემურ ქეცბაია "ანორთოსისს" მაინც არ აჩერებს: "ჩემპიონატში ყველაფერი გაჩერდა. ეს კორონავირუსმა განაპირობა და ყველა დონეზე სტაგნაცია გამოიწვია. ქეცბაიამ ფეხბურთელები ორი დღით დაასვენა და ვარჯიშს ორშაბათიდანვე გააგრძელებს. თუმცა შესაძლებელია, ვარჯიშის გრაფიკი შეიცვალოს. მისთვის მნიშვნელოვანია, რომ ფეხბურთელებმა შეინარჩუნონ ფორმა და მზადყოფნა. ქეცბაიას აზრით, მისი შეგირდები მხოლოდ ასე მოახერხებენ, მაქსიმალურად მზად იყვნენ იმ დროისთვის, როცა ჩემპიონატი განახლდება", - წერს "ფილნიუსი".

საინტერესოა, რომ "ომონიასთან" მატჩის განსჯა კვიპროსის პროფესიული ფეხბურთის ლიგამ ავსტრიელ არბიტრ მანუელ შუტენგრუბერს მიანდო, რომელიც კვიპროსში ჩავიდა, მაგრამ... რამდენიმე საათის შემდეგ სამშობლოში დაბრუნდა.

2192
მკითხველის კომენტარები / 0 /
მსგავსი ამბები
რუბრიკის სხვა სიახლეები
;