კვიპროსში ქართველებს ხელფასებს შეუმცირებენ

კვიპროსის საფეხბურთო ლიგაში, სადაც ქართველები თამაშობენ და მუშაობენ, კლუბები ხელფასების შემცირებაზე შეთანხმდნენ. კორონოვარუსის პანდემიამ მსოფლიო ეკონომიკა უმძიმეს მდგომარეობაში ჩააგდო. ცხადია, ეს საფეხბურთო კლუბებზეც უარყოფითად აისახა, მათ შორის, კვიპროსშიც. ამის თაობაზე ადგილობრივი გამოცემა "პროტატლიმა" წერს:

"კლუბებმა თებერვლის ხელფასები გადაიხადეს, ამის შემდეგ კი ვითარების მიხედვით მოიქცევიან. კლუბების ხელმძღვანელები რამდენიმე დღის განმავლობაში უზიარებდნენ ერთმანეთს მოსაზრებებს ფეხბურთელების ხელფასებთან დაკავშირებით. როგორც ჩანს, ფეხბურთელებს ხელფასების შემცირებას შესთავაზებენ. რა თქმა უნდა, მოთამაშეთა უმეტესობას ეს იდეა არ მოსწონს და მოსალოდნელია, რომ ხელფასების შემცირებაზე მათ მკვეთრად უარყოფითი რეაქცია ექნებათ. ამასთან დაკავშირებით, ყველა გუნდის ლიდერს შორის ტელეკონფერენცია გაიმართება".

კვიპროსის ჩემპიონატის (მთავარ) I დივიზიონში 23 ტური გაიმართა და ნიქოზიის "ომონიასთან" ერთად, 46 ქულით გათამაშების თანალიდერია ფამაგუსტის "ანორთოსისი", რომლის მთავარი მწვრთნელიც თემურ ქეცბაია, მას სოსო ჭედია ეხმარება, ხოლო გუნდში 6 ქართველია: მეკარეები - გიორგი ლორია და ლუკა მიქაია, ასევე - ბუბა დაუშვილი, თორნიკე ოქრიაშვილი, ჯანო ანანიძე და ნიკა კაჭარავა.

678
მკითხველის კომენტარები / 0 /
მსგავსი ამბები
რუბრიკის სხვა სიახლეები
;