კვირკველიას ლოკომოტივმა ბალოტელის ნიცას წაგებული თამაში მოუგო

ევროპის ლიგის პლეი-ოფის პირველი ეტაპის გასვლით შეხვედრაში ქართველი მცველის, სოლომონ კვირკველიას მოსკოვის "ლოკომოტივმა" "ნიცას" 2:3 მოუგო.

მარიო ბალოტელიმ ანგარიში მე-4 წუთზე გახსნა, 28-ე წუთზე კი დუბლი გაიფორმა და თითქოს ყველაფერი დაასრულა, თუმცა მოსკოველებს სხვა გეგმები ჰქონდათ.

ტაიმის მიწურულს ზუსტად შესრულებული პენალტით მანუელ ფერნანდეშმა სხვაობა შეამცირა.

32 წლის პორტუგალიელმა მეორე ტაიმში ორი გოლი გაიტანა, ჰეთ-თრიქი გაიფორმა და ლოკომოტივს დრამატულ შეხვედრაში მოაგებინა.

აღსანიშნავია, რომ 67-ე წუთზე არბიტრმა "ნიცას" მცველი, რასინ კოლი გააძევა, რამაც თამაშზე დიდი გავლენა იქონია.

კვირკველიამ მატჩი სასტარტო შემადგენლობაში დაიწყო და შეუცვლელად ითამაშა.

განმეორებითი შეხვედრა 22 თებერვალს, მოსკოვში გაიმართება.

3169
მკითხველის კომენტარები / 0 /
მსგავსი ამბები
რუბრიკის სხვა სიახლეები
;