კვირკველია და ლოკომოტივი ვერც ჩეხეთში შეაჩერეს [VIDEO]

ჯგუფური ეტაპი ევროპალიგაშიც დასრულდა. მკითხველი ბოლო ტურის შედეგებს წერილის ტექნიკურ ნაწილში გაეცნობა, აქ კი ქართველი ფეხბურთელების გუშინდელ გარჯაზე ვთქვათ.

უნდა მივულოცოთ საბა კვირკველიას. მისი "ლოკომოტივი" პლეი ოფში პირველი ადგილით გავიდა. "რკინიგზელებმა" გასვლაზე 2:0 მოუგეს "ზლინს". საქართველოს ნაკრების მცველმა მინდორზე 90 წუთი გაატარა. მოსკოველებმა ძალიან დამაჯერებლად ითამაშეს.

ისინი მთელი შეხვედრის განმავლობაში აკონტროლებდნენ თამაშის მსვლელობას და მეტოქე მას შემდეგ გატეხეს, რაც კაცნაკლული დარჩა. როგორც წესი, რუსული გუნდის ქართველი მცველი ძალიან საიმედო იყო. მის გარეშე, იური სიომინის გუნდი დღეს, უბრალოდ, წარმოუდგენელია.

ჯგუფში ჩარჩა ვაკო გვილიას ბატე, რომელიც გასვლაზე "არსენალთან" განადგურდა - 0:6. გვილია სათადარიგოთა შორის იყო. ფაქტია, ასე გაგრძელება აღარ შეიძლება! გვილიასთვის უმჯობესი იქნება, თუ ამ ზამთარსვე დატოვებს კლუბს. ბატე-ში მას საერთოდ არ აქვს ნდობა, არადა, საქართველოს ნაკრებს ისეთი გვილია სჭირდება, რომელსაც უწყვეტი სათამაშო პრაქტიკა ექნება.

გურამ კაშიამ "ვიტესს" უკაპიტნა "ნიცასთან" საშინაო შეხვედრაში, რომელიც არნემულმა კლუბმა 1:0 მოიგო. საქართველოს ნაკრების მცველმა მოედანზე 90 წუთი დაჰყო. სამწუხაროდ, "ვიტესი" ჯგუფიდან ვერ გავიდა.

ერთი კია, რომ კაშიამ ევროპალიგაზე ფასდაუდებელი გამოცდილება მიიღო, რაც ეროვნულ გუნდში უთუოდ გამოადგება.
ჯგუფში ჩარჩა ჯაბა ჯიღაურის "ვარდარიც", რომელმაც საშინაო ასპარეზზე ფრედ (1:1) ითამაშა "რუსენბორგთან". ჯიღაური მინდორზე 84-ე წუთზე გამოჩნდა.

ევროპალიგა. ჯგუფური ეტაპი. ბოლო ტური

A ჯგუფი

ვილიარეალი-მაკაბი 0:1
გოლი: 0:1 ბლაქმენი (60)
სლავია-ასტანა 0:1
გოლი: 0:1 ანიჩიჩი (38)

B ჯგუფი

დინამო კ-პარტიზანი 4:1
გოლები: 1:0 მოროზიუკი (6), 2:0 მორაეში (28), 3:0 მორაეში (31), 3:1 ჯეტროვიჩი (45-პენ), 4:1 მორაეში (77-პენ)
იანგ ბოიზი-შკენდერბეუ 2:1
გოლები: 0:1 გავაზაი (51), 1:1 ოარო (55), 2:1 ასალე (90+5)
 
C ჯგუფი

ჰოფენჰაიმი-ლუდოგორეცი 1:1
გოლები: 1:0 ოხსი (25), 1:1 ვანდერსონი (62)
გაძევება: კეშერუ (83. ლუდოგორეცი)
ბაშაქშეჰირი-ბრაგა 2:1
გოლები: 1:0 ვისკა (10), 1:1 სილვა (55), 2:1 ემრე (77-პენ)
 
D ჯგუფი

რიეკა-მილანი 2:0
გოლები: 1:0 პულიჩი (7), 2:0 გავრანოვიჩი (47)
აუსტრია-აეკ 0:0


 

E ჯგუფი

ატალანტა-ლიონი 1:0
გოლი: 1:0 პეტანია (10)
აპოლონი-ევერტონი 0:3
გოლები: 0:1 ლუკმენი (21), 0:2 ლუკმენი (27), 0:3 ვლაშიჩი (87)
 
F ჯგუფი

ზლინი-ლოკომოტივი 0:2
გოლები: 0:1 მირანჩუკი (70), 0:2 ფარფანი (75)
გაძევება: გაჯიჩი (57. ზლინი)
კოპენჰაგენი-შერიფი 2:0
გოლები: 1:0 სოტირიუ (56), 2:0 ლუფტნერი (59)
გაძევება: ჟაირო (69. შერიფი)
გამოუყენებელი პენალტი: ბადიბანგა (78. შერიფი)
 
G ჯგუფი

სტიაუა-ლუგანო 1:2
გოლები: 0:1 დაპრელა (3), 0:2 ვეჩეი (32), 1:2 გნოჰერე (60)
ბეერ შევა-პლზენი 0:2
გოლები: 0:1 ჰეიდა (28), 0:2 ჰორავა (83)
 
H ჯგუფი

ცრვენა ზვეზდა-კიოლნი 1:0
გოლი: 1:0 სრნიჩი (22)
არსენალი-ბატე 6:0
გოლები: 1:0 დებიუში (11), 2:0 უოლკოტი (37), 3:0 უილშირი (43), 4:0 პოლიაკოვი (51-საკ. კარში), 5:0 ჟირუ (63-პენ), 6:0 ელნენი (74)

I ჯგუფი

გიმარაეში-ქონია 1:1
გოლები: 0:1 ბურაბია (15), 1:1 თურანი (77-საკ. კარში)
მარსელი-ზალცბურგი 0:0
 
J ჯგუფი

ჰერტა-ოსტერსუნდსი 1:1
გოლები: 0:1 პაპაიანოპულოსი (58), 1:1 პეკარიკი (61)
ზორია-ბილბაო 0:2
გოლები: 0:1 ადურისი (70), 0:2 რ. გარსია (86)
 
K ჯგუფი

ვიტესი-ნიცა 1:0
გოლი: 1:0 კასტაინიოსი (85)
ვარეგემი-ლაციო 3:2
გოლები: 1:0 დე პაუვი (6), 2:0 ჰეილენი (60), 2:1 კაისედო (67), 2:2 ლუკას ლეივა (76), 3:2 ლეია (83)
 
L ჯგუფი

ვარდარი-რუსენბორგი 1:1
გოლები: 1:0 იტალო (9), 1:1 ბენდტნერი (45-პენ)
სოსიედადი-ზენიტი 1:3
გოლები: 0:1 ერიოხინი (35), 1:1 ვილიან ჟოზე (58), 1:2 ივანოვიჩი (64), 1:3 პარედესი (85)

ყოველდღიური სპორტული გაზეთი "ლელო"
1554
მკითხველის კომენტარები / 0 /
მსგავსი ამბები
რუბრიკის სხვა სიახლეები