კვირკველია მიდის, "ლოკომოტივს" ისევ ქართველს ურჩევენ - ბიჭი რომელმაც ცენტრდიან გაიტანა

დიდ ალბათობით, საბა კვირკველია მოსკოვის „ლოკომოტივს“ დატოვებს. მაგრამ გუნდში, შესაძლოა, ქართველმა ისევ ითამაშოს.

„გიორგი მახათაძე ერთ-ერთი მათგანია, რომელსაც მოსკოვის „ლოკომოტივის“ ახალმა მთავარმა მწვრთნელმა, მარკო ნიკოლიჩმა ყურადღება უნდა მიაქციოს“ - ასეთი რუსული გამოცემა „ჩემპიონატის“ პოზიცია.

გამოცემამ მოსკოვის „ლოკომოტივის“ დუბლშემადგენლობის და იჯარით გაშვებული რამდენიმე ახალგაზრდა მოთამაშე გამოარჩია. თუმცა, 21 წლის წარმოშობით ქართველი საყრდენი ნახევარმცველი რჩეულებშიც ცალკე გამოყო, რაც წერილის ვრცელი სათაურიდანაც ჩანს - „ახალგაზრდა ფეხბურთელები, რომლებმაც ნიკოლიჩმა „ლოკოში“ შანსი უნდა მიიღონ. არსებობენ კაშაკაშა კანდიდატები - იქნებ ძირითადს ნახევრად დავიწყებული მახათაძეც დაუბრუნდეს?“

„მოსკოვური გუნდის ახალი მთავარი მწვრთნელი მარკო ნიკოლიჩი ახალგაზრდებთან მუშაობის ოსტატადაა ცნობილი. გაუმკლავდება თუ არა სერბი სპეციალისტი პასუხისმგებლობას, ეს დიდ კითხვას ბადებს. მაგრამ, შემადგენლობაში კიდევ უფრო მეტი ახალგაზრდა ფეხბურთელი გამოჩნდება. თუნდაც იმიტომ, რომ ბიუჯეტების მასიური შემცირებისა და ძვირადღირებული ლეგიონერების გადინების მკაცრი დრო დგება“ - წერს გამოცემა.

გიორგი მახათაძე იყო რუსეთის 17-წლამდელთა ნაკრების წევრი, რომელმაც 2015 წელს მსოფლიოს ჩემპიონატზე ითამაშა. ჯგუფურ ეტაპზე რუსეთის ნაკრებმა სამხრეთ აფრიკა 2:0 დაამარცხა. ორივე გოლი გიორგი მახათაძემ გაიტანა, რომელიც რუსთა ნაკრების საყრდენი ნახევარმცველი და კაპიტანი გახლავთ. მახათაძემ გუნდი ზუსტად შესრულებული პენალტით დააწინაურა, მეორე გოლი კი მოედნის ცენტრიდან გაიტანა. 

გიორგი 1998 წლის 26 მარტს როსტოვში დაიბადა (სიმაღლე: 180. წონა: 70 კგ). მან 2019/2020 წლების სეზონში, „კაზანკას“ („ლოკომოტივის“ ფარმ-კლუბია, რანგით მესამე ლიგის, იჯარით 2018 წლიდან თამაშობს) ფორმით, რუსეთის პრემიერლიგაში 1 მატჩი ჩაატარა, სადაც 2 გოლი და 1 საგოლე გადაცემა შეასრულა. მისი მშობლები ქართველები არიან.

მას საქართველოს ასაკობრივ ნაკრებში თამაშიც შესთავაზეს, თუმცა იუარა.

„ჩემპიონატის“ გიორგი მახათაძეზე წერს: „რატომ იმსახურებს ყურადღებას: მოთხოვნადი საყრდენი, რომელმაც იცის, სიღრმიდან პოზიციური თამაში როგორ უნდა წამოიწყოს. მახათაძე დიდი ხანია მხედველობის არეალშია. ის თავისი ასაკის ერთ-ერთ საუკეთესო ნახევარმცველად ითვლებოდა 2016 წელს, როდესაც „ლოკომოტივიდან“ ყაზანის „რუბინში“ დიდი აჟიოტაჟი გადავიდა. მაგრამ მას შემდეგ, მისი კარიერა უკან წავიდა: ყაზანში და მოგვიანებით ხაბაროვსკის „სკა-ენერგიაში“ გიორგიმ პრემიერლიგის გუნდების ძირითად შემადგენლობაში ფეხი ვერ მოიკიდა. 2018 წლის ნახევარმცველი მშობლიურ კლუბში დაბრუნდა, მაგრამ მთავარ გუნდში არ უთამაშია“

გამოცემა წერს, რომ მიმდინარე სეზონში, მახათაძის საქმე კარგად წავიდა: „გიორგი ახლა ნაწილობრივ გონს მოეგო. მან „კაზანკაში“ სტაბილური სათამაშო პრაქტიკა მიიღო, ხოლო 2019 წლის ბოლოს გუნდში მნიშვნელოვანი მოთამაშე გახდა. გიორგის დიდი პლუსი ისაა, რომ შეუძლია შეასრულოს ორივე როლი - საყრდენის და ფლანგის შემტევის და ამპლუას სწრაფად იცვლოს. მახათაძეს უყვარს, როდესაც ბურთს ათამაშებს - საშუალოდ 90 წუთში 49 პასს აკეთებს, თანაც 80%-იანი სიზუსტით.

სულ წინ თამაშობს - ბურთთან მინიმალური შეხებით, სწრაფად აფასებს ვითარებას და შეტევის მიმართულებას კარგად და ხშირად ცვლის ან თავდამსხმელებზე გრძელი გადაცემებით საჯარიმოში ბურთს ხშირად აგდებს - საშუალოდ, 90 წუთში 6,26 გრძელი გადაცემას აკეთებს, თანაც 64.4%-იანი სიზუსტით. სხვა სიტყვებით რომ ვთქვათ, თუ ფინანსური ტვირთი კლუბს ძალიან დააწყვება, შეიძლება მახათაძის საბოლოო რეაბილიტაცია მოხდეს და გამოიყენონ როგორც სიღრმიდან შეტევების წამომწყებ დისპეტჩერად (სასურველია), ასევე - ფლანგზე. თუ ნიკოლიჩი 4-3-1-2 სათამაშო სქემას აირჩევს, მას დამატებითი საყრდენი დასჭირდება“.

2848
მკითხველის კომენტარები / 0 /
მსგავსი ამბები
რუბრიკის სხვა სიახლეები
;