[კვლევა] შოკისმომგვრელი ქართული ხელფასები

ქართული ფეხბურთის განვითარების ფონდმა ოფიციალურ გვერდზე საინტერესო მასალა წარმოადგინა.

2017 წლის კლუბების საბაზისო დაფინანსების სახელფასო კომპონენტის კვლევა, სადაც ფონდიდან გაცემული სახსრების მიხედვით, კლუბების სახელფასო პოლიტიკის ეფექტურობა თუ არაეფექტურობა ნათლად გამოჩნდა. დავაზუსტებთ, რომ ეს მხოლოდ ეროვნული ლიგისა და ეროვნული ლიგა 2-ის კლუბების მონაცემებია.

- უცნაურია, რომ ყველაზე მაღალი ანაზღაურება (2 950 ლარი) ჰქონდათ ბათუმის "დინამოში", რომელმაც ლიგაში ადგილი ვერ შეინარჩუნა და პლეი ოფებში "სიონთან" დამარცხდა.

- ამავე დროს, ბათუმში "დინამოში" ყველაზე მეტი მოთამაშე იღებდა 3 000 ლარზე მეტს - სულ 14.

- მეორე კატეგორიის ანაზღაურება (2 000-2 999 ლ) ყველაზე მეტად ქობულეთის "შუქურას" ფეხბურთელებს ჰქონდათ, რომელიც ასევე ლიგიდან გავარდა - სულ 19 მოთამაშეს.

- ყველაზე დაბალი საშუალო ანაზღაურება "საბურთალოში" იყო, რომელმაც სეზონი მე-4 ადგილზე დაასრულა. ამ გუნდის 26 მოთამაშეს ჰქონდა ბოლო ორი ყველაზე დაბალი კატეგორიის ხელფასი - 1 000-1 999 ლარი და 999 ლარი.

- 999 ლარზე ნაკლები ხელფასი ყველაზე მეტად თბილისის "დინამოში" გამოიყენეს - სულ ასეთი ანაზღაურება 16 მოთამაშეს დაუნიშნეს.

- უმაღლესი კატეგორიის (3 000 ლარზე მეტი) ხელფასს 85 ფეხბურთელი იღებდა.

- ყველაზე მეტად ეროვნულ ლიგაში დაბალი კატეგორიის ხელფასს (999 ლარზე ნაკლებს) უნიშნავდნენ - სულ 95 ფეხბურთელს.


ახლა ვნახოთ, რა მდგომარეობა იყო ეროვნულ ლიგა 2-ში. აქაც დაახლოებით მსგავსი სურათი იკვეთება - ხელგაშლილებიდან ზოგიერთი აქაც წარუმატებელი გამოდგა.

ეროვნულ ლიგაში გადავიდნენ "რუსთავი", რომელიც მხოლოდ მე-4 ადგილზეა და "სიონი", რომელიც ამ ლიგაშიც კი ბოლოდან მესამეა. სამაგიეროდ, ყველაზე ხელგაშლილმა მარტვილის "მერანმა" ეროვნულ ლიგაში დაბრუნება ვერ მოახერხა, ხოლო გულუხვების სამეულის წარმომადგენელი "მეშახტე" სულაც ლიგიდან გავარდა.

კარგი მენეჯმენტის მაგალითად "სიონი" გამოდგება, რომელიც 20 გუნდში ხელფასებით მხოლოდ მე-18 ადგილზეა. მაგრამ პლეი ოფში ყველაზე მაღალანაზღაურებად ბათუმის "დინამოს" აჯობა.


ეს ფაქიზი თემაა ქვეყანაში, სადაც ბევრი გაჭირვებულია, ბევრიც კი მსოფლიოს ბევრ ქვეყანაში თავის გადასარჩენად წავიდა და მიდის. მაგრამ ფეხბურთს თავისი კრიტერიუმები გააჩნია და ეს აუცილებლად სათქმელია:

საყურადღებოა, ეროვნულ ლიგაში ყველაზე მეტად მოთამაშეებს დაბალი კატეგორიის ხელფასს (999 ლარზე ნაკლებს) უნიშნავდნენ - ასეთი მთავარ ქართულ ლიგაში 95 ფეხბურთელია, ანუ საერთო რაოდენობის 25 პროცენტზე მეტი.

ამიტომ არის, რომ უკვე გავრცელებული ყოფილა პრაქტიკაა - ზოგიერთი მოთამაშე დამატებითი შემოსავლის მიზნით სხვა საქმიანობასაც ეწევა.

ცნობისთვის: გერმანიის, ინგლისის და საფრანგეთში სამოყვარულო ლიგაში ხელფასები 3-4 ათასი ევროს ეკვივალენტია, თურქეთის მესამე ლიგაში 2-3 ათას დოლარი...

ამ ყველაფრის შემდეგ ძნელია იმ ამბიციებზე ლაპარაკი, რაც ჩვენს ემოციურ გულშემატკივარს გააჩნია - ასეთი ხელფასებით თანამედროვე ფეხბურთში ამბიციები სასაცილოა.


ეროვნული ლიგა

ს.ხ. 3000 2000-2999 1000-1999 999

1. ტორპედო 2,794 10 6 2 7
2. დინამო თბ 2,894 13 10 5 16
3. სამტრედია 2,102 10 8 4 12
4. საბურთალო 1,600 6 4 13 13
5. ჩიხურა 2,310 1 22 3 5
6. ლოკომოტივი 2,141 10 10 5 12
7. დილა 2,350 13 6 9 9
8. დინამო ბთ 2,950 14 1 7 7
9. კოლხეთი 2,111 6 16 6 5
10. შუქურა 1,900 2 19 6 9

ეროვნული ლიგა 2

ს.ხ. 1500 1000-1499 500-999 500

1. რუსთავი 1,105 5 12 10 2
2. მერანი 1,430 13 2 1 3
3. სიონი 918 2 15 8 2
4. სამგურალი 1,044 6 13 6 5
5. გაგრა 1,164 7 11 2 2
6. ვიტ ჯორჯია 1,036 8 3 3 3
7. ცხინვალი 639 1 6 9 12
8. გურია 849 5 4 8 3
9. მეშახტე 1,117 9 7 6 1
10. ზუგდიდი 1,0120 5 12 4 0

* ფონდის ცნობით, შესაძლოა, სახელფასო ანაზღაურება იყოს განსხვავებული და გამოქვეყნებულ მასალებს აჭარბებდეს
* ს.ხ. - საშუალო ხელფასები ლარებში

ყოველდღიური სპორტული გაზეთი "ლელო"
6680
მკითხველის კომენტარები / 4 /
Deportivo14
2
ისე წერთ თითქოს რამეს წარმოადგენდნენ ფეხბყრთელები.რაში იღებენ საერთოდ
პენსიონერი
2
როდესაც საქართველოში პენსია 158 ლარია, მაშინ ლელო არ უნდა წუწუნებდეს ფეხბურთელების დაბალ ხელფასზე!!!
მსგავსი ამბები
რუბრიკის სხვა სიახლეები
;