კიდევ ერთი დაპირისპირება: ფაჩულია VS უესტბრუკი [VIDEO]

კიდევ ერთი ფიზიკური შეხვედრა გაიმართა "ოკლაჰომა სითი თანდერსსა" და "გოლდენ სტეიტ უორიორსის" წინააღმდეგ, სადაც ზაზა ფაჩულიას თამაშმა აღშფოთება და დებატები გამოიწვია.

მესამე მეოთხედის მიწურულს რასელ უესტბრუკმა კალათს შეუტია. რასელი და ნიკ იანგი ერთმანეთს შეეჯახნენ და ორივენი წაიქცნენ, როდესაც აცილებული ბურთის მოხსნას ცდილობდნენ. მომდევნო მომენტში კადრში ფაჩულიაც ჩნდება, რომელიც უესტბურიკის ფეხებზე ტანით დაეცა. სწორედ ამ მომენტმა გამოიწვია მითქმა-მოთქმა.

რასელ უესტბრუკის განცხადებით ეს შემთხვევითობა არ ყოფილა:

"ეს ინერციით მოხდა. ზაზა ფაჩულიამ, რა თქმა უნდა ყველაფერი განზრახ გააკეთა. მას არავინ დასჯახებია და მაინც ჩემს ფეხებს დაეცა. ის ჩემს დაზიანებას ცდილობდა, თუმცა ეს ასეთი მარტივი საქმე არ არის."

რასელისა და ფაჩულიას ფიზიკური დუელი წინა სეზონშიც აქტუალური იყო. ყველას ახსოვს ზაზას შეჯახება და რასელის ვარდნა პარკეტზე. იმ მომენტში ფაჩულია არასპორტული ჯარიმით დაისაჯა, თუმცა ბოლო სურათი ის იყო, რომ ზაზა რასელ უესტბრუკს უბრალოდ თავზე დაჰყურებდა.
და როდესაც უესტბრუკს ჰკითხეს, არის თუ არა ზაზა ფაჩულია ბინძური მოთამაშე მისი პასუხი ასეთი იყო - "დიახ, რა თქმა უნდა!"

ზაზასა და რასელის ახალ ინციდენტზე შეკითხვა უესტბრუკის თანაგუნდელს, პოლ ჯორჯსაც დაუსვეს და მანაც მსგავსი პასუხი გასცა:

"დაინახეთ, რომ მას ვინმე შეეხო იმ მომენტში? მას გამიზნული ჰქონდა თუ სად ეცემოდა. ზაზა ზაზას სტილში თამაშობს".

კომენტარი დევიდ ბუკერმაც გააკეთა:

"ზაზა ფაჩულია იმსახურებს, რომ დაისაჯოს. დიდი განსხვავებაა ფიზიკურ და ბინძურ თამაშს შორის. განსხვავება ისაა, რომ მეტოქეს მძიმე ტრავმებს აყენებ. პირველი კავაი ლეონარდი იყო, მეორე პოლ ჯორჯი და ახლა რასელ უესტბრუკი. ეს ყველაფერი მიუღებელია".

ფაჩულიას მიმართ მსგავსი ბრალდება ადრეც ყოფილა. წინა სეზონში, როდესაც "სან ანტონიო" "გოლდენ სტეიტს" ხვდებოდა, პლეი-ოფის პირველ მატჩში "სპურსის" ლიდერმა, კავაი ლეონარდმა მძიმე ტრავმა მიიღო, სწორედ ზაზასთან კონტაქტის შემდეგ.

"ბოსტონ სელტიკსის" ლიდერმა, კაირი ირვინგმაც გააკეთა კომენტარი ზემოთ აღნიშნულ მომენტზე:

"ლიგა აუცილებლად კარგად უნდა დააკვირდეს ამ კაცის (ფაჩულიას) ქმედებებს. ეს ****** არასერიოზულობაა".

საქმე მთლად ისე რომ არ არის, როგორც ოკლაჰომური მხარე ლაპარაკობს, "გოლდენ სტეიტის" მთავარი მწვრთნელის სტივ კერის კომენტარი დანაც მიხვდებით. ჩვენი მხრიდან კი დავძენთ: დააკვირდით ვიდეოს, სადაც ნალად ჩანს, რომ ვესტბრუკი ზაზას მუხლზე წამოედო. ასეთ დროს კი ნებისმიერი ადამიანი იატაკზე აღმოჩნდებოდა. 

სტივ კერი:

- ზაზა ფაჩულიამ, როგორც ყოველთვის, "ოკლაჰომასთანაც" დიდებულად შეასრულა თავისი საქმე. იგი ფიზიკურად თამაშობდა, საკუთარ ზონაში არავის უშებდა, მუშაობდა გუნდზე. სწორედ ამას აკეთებს ყოველ მატჩში და ამას ვითხოვთ მისგან."

შეგახსენებთ, რომ ზაზას ნამდვილად გამორჩეული მატჩი ჰქონდა: მის ანგარიშზე 4 ქულა, 6 მოხსნა, 2 შედეგიანი გადაცემა და 1 დაფარება იყო.
შემდეგი და უკანასკნელი შეხვედრა მიმდინარე რეგულარულ სეზონში ამ ორ გუნდს შორის 3 აპრილს "ოკლაჰომას" საშინაო არენაზე გაიმართება.

მიმდინარე რეგულარულ სეზონში "ოკლაჰომამ" 2 მატჩი მოუგო მოქმედ ჩემპიონს და ერთში დამარცხდა.

6063
მკითხველის კომენტარები / 0 /
მსგავსი ამბები
რუბრიკის სხვა სიახლეები