კიდევ ერთი ქართველი ლატვიაში - გიორგი გოგოლაშვილი

20 წლის გიორგი გოგოლაშვილს საქართველოში, ფაქტობრივად, არ უთამაშია. ის "დანა ქაფის" და "გოთია ქაფის" ახალგაზრდული ტურნირის შემდეგ სკაუტებმა შენიშნეს და კარიერა პოლონეთის დაბალლიგელ "კარკონოზცეში" დაიწყო, მერე კი შვედეთის რეგიონული ლიგის "ჰარნოსანდში" თამაშობდა.

ტანმაღალი ქართველის (190 სმ) გოლეადორული თვისებები ლატვიელმა სკაუტებმა შეამჩნიეს და ოდესღაც ლატვიის საუკეთესო და რეკორდსმენ გუნდში - რიგის "სკონტოში" გადაიყვანეს.

"ლატვიაში ჩემპიონატი მარტის ბოლოს იწყება, მანამდე კი "სკონტო" ამხანაგურ მატჩებს ატარებს. უმაღლესი ლიგის გუნდებს შევხვდით - "ფკ მეტასთან" 4:6 წავაგეთ. მე მოედანზე 0:3-ზე შემიყვანეს და 2 გოლი და საგოლე გადაცემა შევასრულე.

ფკ რფს-თან კი 1:1 ვითამაშე და ერთად-ერთი გოლი გავიტანე. მერე ლიტვურ "პაკრუოჟისთან" 90 წუთი მათამაშეს, 3:3 ზე ორი საგოლე გადაცემა გავაკეთე. ეს შეხვედრები ადგილობრივი ტურნირის ეგიდით გაიმართა და საუკეთესო მოთამაშედ დამასახელეს" - ამბობს გოგოლაშვილი.

3076
მკითხველის კომენტარები / 0 /
მსგავსი ამბები
რუბრიკის სხვა სიახლეები