კიდევ ორი რუსი დასაჯეს

საერთაშორისო ოლიმპიურმა კომიტეტმა კიდევ ოთხი რუსი მოთხილამურე დასაჯა და გააუქმა მათ მიერ 2014 წლის სოჭის ზამთრის ოლიმპიადაზე ნაჩვენები შედეგები. გარდა ამისა, მათ სამუდამოდ აეკრძალათ ოლიმპიადებში მონაწილეობა. ეს მოთხილამურეები არიან: მაქსიმ ვილეგჟანინი, ევგენი შაპოვალოვი, ალექსეი პეტუხოვი და იულია ივანოვა.

შეგახსენებთ, რომ უფრო ადრე, ანალოგიური სასჯელი მიიღეს ალექსანდრ ლეგკოვმა და ევგენი ბელოვმა.
ვილეგჟანინმა სოჭის ოლიმპიადაზე სამი ვერცხლის მედალი მოიპოვა - 50 კილომეტრზე რბენაში, გუნდურ სპრინტსა და 4X10 კილომეტრზე ესტაფეტაში. რუსეთს სამივე ვერცხლი ჩამოერთმევა. უფრო ადრე, ლეგკოვს ჩამოართვეს თითო ოქროსა და ვერცხლის მედალი.

ასე რომ, საერთაშორისო ოლიმპიური კომიტეტის გადაწყვეტილებით, რუსეთის ოლიმპიურ გუნდს საერთო ჯამში ჩამოერთვა სოჭის ოლიმპიადის ოთხი მედალი - ერთი ოქრო და სამი ვერცხლი.

ყოველდღიური სპორტული გაზეთი "ლელო"
1553
მკითხველის კომენტარები / 0 /
რუბრიკის სხვა სიახლეები
;